ଚମ୍ପୁଅ, ଚମ୍ପୁଆ ଉପଖଣ୍ଡ ଅନ୍ତର୍ଗତ ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । ଆଜି ଦିନ ପ୍ରାୟ ୧୧ ଟା ବେଳେ ସାପ କାମୁଡା ରେ ଆହତ ଜଣେ ଯୁବକ କାମୁଡି ଥିବା ଜୀବନ୍ତ ସାପକୁ ଧରି ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଆସି ପହଂଚିଥିଲେ । ସମ୍ପୃକ୍ତ ଯୁବକଙ୍କୁ ଦେଖିବା ପାଇଁ ସ୍ୱାସ୍ଥ୍ୟ କେନ୍ଦ୍ରରେ ପ୍ରବଳ ଭିଡ ଜମିଥିଲା । ଆହତ ଯୁବକଙ୍କ ନାମ କାଳିଆ ମୁଣ୍ଡା (୩୧) ଘର ବଳିତା ଗ୍ରାମରେ ବୋଲି ଜଣାପଡିଛି । ଖବର ଅନୁସାରେ ଗୋଟେ ବିଷାକ୍ତ ଗୋଖୋର ସାପ ଆଜି ତାଙ୍କ ଡାହାଣ ହାତ କୁ କାମୁଡ଼ି ଦେଇଥିଲା । ସେ ସଙ୍ଗେ ସଙ୍ଗେ ସାପକୁ କାବୁ କରି ଧରି ପକାଇଥିଲେ । ସାପକୁ ଧରିବା ପରେ ସିଧା ଆସି ବାସୁଦେବପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚି ଥିଲେ । ଡାକ୍ତରଖାନାରେ ସଙ୍ଗେ ସଙ୍ଗେ ଡାକ୍ତର ଚିକିତ୍ସା ଆରମ୍ଭ କରିଦେଇଥିବାବେଳେ ଚିକିତ୍ସା ପରେ ତାଙ୍କର ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଥିବା ଜଣାପଡିଛି ।
