ନୂଆପଡା, ନୂଆପଡା ସଦର ବ୍ଲକ ଅନ୍ତର୍ଗତ ତରିଆମହୁଆଭଟା ଗାଁରେ ପୁଣି ଏକ କଲରାପତରିଆ ବାଘ ଆତଙ୍କ ଖେଳାଉଛି । ତରିଆମହୁଆଭଟା ଗାଁରେ ଭାଗି ରାଉତଙ୍କ ଗୁହାଳରେ ପଶି ଏକ ବାଛୁରୀକୁ ଆଜି ସକାଳେ ମାରି ଖାଇଛି ବାଘ। କେବଳ ତରିଆମହୁଆଭଟା ଗାଁ ରେ ୧୦ ରୁ ଉର୍ଦ୍ଧ୍ଵ ଗାଇ ଓ ବାଛୁରୀଙ୍କୁ ବାଘ ମାରି ଖାଇଲାଣି । ପୁଣି ଏକ ବାଛୁରିକୁ ଆଜି ବାଘ ମାରି ଖାଇବା ପରେ ଗାଁ ରେ ଅସନ୍ତୋଷ ଦେଖାଦେଇଛି । ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଚିଂଛନ୍ତି ।
ପ୍ରକାଶ ଥାଉକି, ଗତ ୧୬ ତାରିଖ ଦିନ ନୂଆପଡା ବନ ବିଭାଗ ଅଂଶୁଘାତରେ ଆକ୍ରାନ୍ତ ଏକ ବାଘକୁ ଜଙ୍ଗଲରୁ ଉଦ୍ଧାର କରିଛି। ନୂଆପଡାରେ ବାଘଟିର ଚିକିତ୍ସା ଜାରୀ ରହିଛି ।
