ପାରଳାଖେମୁଣ୍ଡି, ଗଜପତି ଜିଲ୍ଲା ଗୋଷାଣି ବ୍ଲକ ଏସ.ପାଇଲାମ ଗ୍ରାମ ପୋଖରୀରୁ ବିପୁଳ ପରିମାଣର ରକ୍ତ ଚନ୍ଦନ କାଠ ଜବତ ଘଟଣାରେ ତ୍ଵରିତ କାର୍ଯ୍ୟାନୁଷ୍ଠାନ ଗ୍ରହଣ କରିଛି ବନ ବିଭାଗ । ସ୍ଵତନ୍ତ୍ର ଅପରେସନ ଚଳାଇ ଏହାର ମାଷ୍ଟରମାଇଣ୍ଡ ତଥା ପୂର୍ବତନ ପାରା କର୍ମଚାରୀ ସିମାଦ୍ରୀ ଭୂୟାଁଙ୍କୁ ଗିରଫ କରାଯାଇଛି । ସେ ଦୀର୍ଘ ୯ ବର୍ଷ ଧରି ମହେନ୍ଦ୍ର ବନାଚଂଳ ଅଧିକାରୀଙ୍କ ଅଧିନରେ କାର୍ଯ୍ୟ କରୁଥିଲେ । ଗତବର୍ଷ କୌଣସି କାରଣବଶତଃ ଚାକିରୀ ଛାଡି ଦେଇଥିଲେ । ତେବେ ଏହି ଘଟଣା ପଛରେ ଥିବା ରାକେଟର ଚେର କେତେ ଦୂର ଲମ୍ବିଛି ଓ ଏଥିରେ ଅନ୍ୟ କେଉଁମାନଙ୍କର ସମ୍ପୃକ୍ତି ରହିଛି ସେ ସମ୍ପର୍କରେ ଖୋଳତାଡ଼ ଜାରୀ ରହିଥିବା ମହେନ୍ଦ୍ର ବନାଚଂଳ ଅଧିକାରୀ କବିନ ପରିଚ୍ଛା ପ୍ରକାଶ କରିଛନ୍ତି ।
