ଧର୍ମଶାଳା,ଯାଜପୁର ଜିଲା ଧର୍ମଶାଳା ନିର୍ବାଚନ ମଣ୍ଡଳୀରେ ବିଜୁ ଜନତା ଦଳ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ଜାରି ରହିଛି । ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟଙ୍କ ପରାମର୍ଶ କ୍ରମେ ନାମ ଫଳକ ଓ ଦଳୀୟ ପତାକା ଲଗା କାର୍ଯ୍ୟକ୍ରମ ଚାଲୁ ରହିଛି । ଧର୍ମଶାଳା ବିଜୁ ଯୁବ ବିଜେଡି ସଭାପତି କ୍ଷତିଶ ନାୟକଙ୍କ ନେତୃତ୍ୱରେ ଏହି କର୍ଯ୍ୟକ୍ରମ ବିିଭିନ୍ନ ପଂଚାୟତମାନଙ୍କରେ ଜାରି ରହିଛି । ଏହି ନିର୍ବାଚନ ମଣ୍ଡଳୀ ୧୧ ନମ୍ବର ଜୋନରୁ ଏହି କାର୍ଯ୍ୟକ୍ରମ ଆରମ୍ଭ ହୋଇଛି । ଏହି ଜୋନର କବାଟବନ୍ଧ ବଜାର ଠାରୁ ବିଜୁଜନତା ଦଳର କର୍ମକର୍ତାମାନେ ଶୋଭାଯାତ୍ରାରେ ବାହାରି ପଂଚାୟତ ପରିକ୍ରମା କରିଥିଲେ । ଏହା ସହିତ କର୍ମକର୍ତାଙ୍କ ଫାଟକରେ ନାମଫଳକ ଲଗାଇବା ସହ କର୍ମକର୍ତାମାନେ ନବୀନ ମୋ ପରିବାର,ଶଙ୍ଖ ମୋର ଚିହ୍ନ ଏବଂ ପ୍ରଣବ ମୋ ନେତା ଆଦି ସ୍ଲୋଗାନ ଦେଇଥିଲେ । କାର୍ଯ୍ୟକ୍ରମରେ ଜିଲା ପରିଷଦ ସଭ୍ୟ ସୁଧାଂଶୁ ଭୂଷଣ ସାହୁଙ୍କ ସମେତ ସ୍ଥାନୀୟ ସରପଂଚ,ସମିତିସଭ୍ୟ ଓ ବରିଷ୍ଠ ନେତା,ଯୁବନେତା ଓ କର୍ମୀମାନେ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ।
