ଧର୍ମଶାଳା, ଯାଜପୁର ଜିଲା ରୁଦ୍ରପୁର ପଂଚାୟତ ନୁଣୁପୁରସ୍ଥିତ ପ୍ରସିଦ୍ଧ ଲୋକନାଥଶ୍ୱର ପୀଠରେ ୧୮ତମ ରୁଦ୍ର ମହଯଜ୍ଞ ଅନୁଷ୍ଠିତ ହୋଇଛି । ୩ ଦିନ ଧରି ଏହି ମହାଯଜ୍ଞ ଚାଲୁ ରହିଥିଲା । ପ୍ରଥମ ଦିବସରେ ମାନସିକଧାରୀମାନଙ୍କ ପକ୍ଷରୁ କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା । ଯଜ୍ଞ ମଣ୍ଡପରେ କଳସ ସ୍ଥାପନ ପରେ ବିିଭିନ୍ନ ରତିକାନ୍ତି ଅନୁଯାୟୀ ସୂର୍ଯ୍ୟପୂଜା,ଗୋପୂଜା ଓ ଷୋଡଶ ଉପଚାର ପୂଜା ଅନୁଷ୍ଠିତ ହୋଇଥିଲା । ପୂର୍ଣ୍ଣାହୂତି କାର୍ଯ୍ୟକ୍ରମରେ ହଜାରହଜାର ସଂଖ୍ୟାରେ ଶ୍ରଦ୍ଧାଳୁମାନେ ଯୋଗ ଦେଇ ବିଭୂ କୃପା ଲାଭ କରିଥିଲେ । ପଣ୍ଡିତ ସୀତାରାମ ପତି,ଇନ୍ଦ୍ରମଣୀ ପତି ବିଚିତ୍ର ପାଢୀ ,ଶରତ ଚନ୍ଦ୍ର ପାଢୀ,ପୂର୍ଣ୍ଣଚନ୍ଦ୍ର ପାଢୀ,ଚନ୍ଦ୍ରଶେଖର ପାଢୀ ଓ କର୍ତାଭାବେ ଅନନ୍ତ ଚରଣ ରାଉତ ଯଜ୍ଞ କର୍ମରେ ସହଯୋଗ କରିଥିଲେ । କାର୍ତିକ ରାଉତ,ସୁନାକର ରାଉତ,ବିରଞ୍ଜି ନାରାୟଣ ମହାନ୍ତି,ଆନନ୍ଦ ରାଉତ,ଧନେଶ୍ୱର ଖୁଂଟିଆ,ଅମୀନ ସାହୁ,ପ୍ରଦୀପ ରାଉତଙ୍କ ସମେତ ଗ୍ରାମବାସୀ ସମ୍ପୂର୍ଣ୍ଣ ଯଜ୍ଞକର୍ମରେ ସହଯୋଗ କରିଥିଲେ ।
