ଭଞ୍ଜନଗର- ରିଖ ମଙ୍ଗଳବାର ଦିନ ଗାଲେରୀ ଗ୍ରାମ ପଞ୍ଚାୟତ ଅନ୍ତର୍ଗତ ଢେପସାହି ପ୍ରାଥମିକ ବିଦ୍ୟାଳୟରେ ବିଦ୍ୟାଳୟ ପରିଚଳନା କମିଟି ଅଧ୍ୟକ୍ଷା ଶ୍ରୀମତୀ ଜ୍ୟୋସ୍ନା ରାଣୀ ନାୟକ ଙ୍କ ଅଧ୍ୟକ୍ଷତାରେ ବାର୍ଷିକ ଉତ୍ସବ ଅନୁଷ୍ଠିତ ହୋଇଥିଲା । ଉକ୍ତ ବାର୍ଷିକ ଉତ୍ସବ ରେ ଗାଲେରୀ ଦଣ୍ଡପାଣି ମହାରଥା ବିଜ୍ଞାନ ଡ଼ିଗ୍ରୀ ମହାବିଦ୍ୟାଳୟ ର ଅଧ୍ୟକ୍ଷ ଶ୍ରୀ ସୁଶାନ୍ତ କୁମାର ନାୟକ ମୁଖ୍ୟ ଅତିଥି ରୂପେ ଯୋଗ ଦେଇ ପ୍ରାଥମିକ ଶିକ୍ଷା ର ବିକାଶ ସମ୍ପର୍କରେ ଆଲୋଚନା କରିଥିଲେ ।ତତ ସହିତ ବ୍ରାହ୍ମଣ ପଦର ସି ଆର ସି ସି ଶ୍ରୀ ସଞ୍ଜୟ କୋଠିଆ, ତୁରୁମୁ ସି ଆର ସି ସିଶ୍ରୀ ମନୋଜ କୁମାର ଗୌଡ଼,ଗାଲେରୀ ଏକ୍ସବୋର୍ଡ ପ୍ରଧାନ ଶିକ୍ଷୟିତ୍ରୀ କ୍ରିଷ୍ଣା ଷଡ଼ଙ୍ଗୀ ,ଗାଲେରୀ ହରିଜନ ସାହି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ଗୋକୁଳ ଚନ୍ଦ୍ର ମଲିକ,ଢୋଲପିଠା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ D. ରାବଣାମ୍ମା ,ଶିକ୍ଷା ବିଭାଗ ଜେ ଇ ଶ୍ରୀ ହୃଦାନନ୍ଦ ମାଝୀ ,ସନ୍ତୋଷ ସାସମଲ ପ୍ରମୁଖ ଅତିଥି ରୂପେ ଯୋଗଦେଇଥିଲେ । ଢେପସାହି ପ୍ରାଥମିକ ବିଦ୍ୟାଳୟର ଭାର ପ୍ରାପ୍ତ ପ୍ରଧାନ ଶିକ୍ଷକ ଶ୍ରୀ ସୁଦାମ ଦଳବରା ବିଦ୍ୟାଳୟ ର ବାର୍ଷିକ ବିବରଣୀ ପଠନ କରିଥିବା ବେଳେ ସହକାରୀ ଶିକ୍ଷୟିତ୍ରୀ ଶ୍ରୀମତୀ ମଞ୍ଜୁ ରାଣୀ ସେନାପତି ଧନ୍ୟବାଦ ଅର୍ପଣ କରିଥିଲେ ।କ୍ରୀଡ଼ା ଓ ଅନ୍ୟାନ୍ୟ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ମନଙ୍କୁ ପୂ୍ରସ୍କାର ଦିଆ ଯାଇଥିଲା । ସବୁ କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ କରିଥିବା ଛାତ୍ରୀ ସୁଶ୍ରୀ ଲିଜା ଦାଶକୁ ଏ ବର୍ଷର କୃତୀ ଛାତ୍ରୀ ଘୋଷଣା କରାଯାଇଥିଲା । ତତ୍ ସହିତ ପୁରାତନ ଛାତ୍ରୀ ସୁଶ୍ରୀ ପ୍ରିୟ ଲତା ଦାଶ ଙ୍କୁ ଯୁକ୍ତ ଦୁଇରେ ସଫଳତା ପାଇଁ ତାଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା । ଏ ବର୍ଷ ର ବାର୍ଷିକ ଉତ୍ସବ ରେ ଗ୍ରାମ କମିଟି ,ବିଦ୍ୟାଳୟ ପରିଚାଳନା କମିଟିର ସମସ୍ତ ସଭ୍ୟମାନେ ସହଯୋଗ କରିଥିଲେ ।ଶେଷରେ ଛାତ୍ର ଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଏହି ଅବସରରେ ଅତିଥି ମାନେ ଓ ସମାବେଶ ହୋଇଥିବା ଗ୍ରାମବାସି ବିଦ୍ୟାଳୟ ର ଉନ୍ନତି ପାଇଁ ସ୍ବେଚ୍ଛାକୃତ ଭାବରେ ମୋ ସ୍କୁଲ ଅଭିଯାନ ଫଣ୍ଡ କୁ ସହାୟତା ଯୋଗାଇ ଦେଇଥିଲେ ଯାହାକି ଏହି ଅଞ୍ଚଳରେ ପ୍ରଥମ ଥର ପାଇଁ ହୋଇଥିବାରୁ ପ୍ରଧାନ ଶିକ୍ଷକ ସୁଦାମ ଦଳବରା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
