କନ୍ଧମାଳ, କନ୍ଧମାଳ ଜିଲ୍ଲା ଖଜୁରୀପଡ଼ା ଥାନା ଅଂଚଳରେ ବାଘ ଚମଡ଼ା ବିକ୍ରୀ ପାଇଁ ଡିଲ୍ ବେଳେ ଏସଟିଏଫ ଓ ଖଜୁରୀପଡା ଥାନା ପୋଲିସ ପକ୍ଷରୁ ମିଳିତ ଚଢ଼ଉ କରାଯାଇଛି । ଗତକାଲି ରାତି ପ୍ରାୟ ୮ଟା ସମୟରେ ଏହି ଚଢ଼ଉ ହୋଇଥିଲା । ବାଘ ଛାଲକୁ ଜବତ କରିବା ସହ ଘଟଣାରେ ଦୁଇ ଜଣଙ୍କୁ ଗିରଫ କରିଛି ଏସଟିଏଫ । ଗିରଫ ଦୁଇ ଅଭିଯୁକ୍ତ ସମ୍ପର୍କରେ ଦାଦା ପୁତୁରା ବୋଲି ଜଣାପଡିଛି । ତେବେ ବାଘକୁ କେଉଁଠି ମରାଯାଇଥିଲା, କାହାକୁ ଚମଡ଼ା ବିକ୍ରୀ କରାଯିବାକୁ ଯୋଜନା ହେଉଥିଲା ଏବଂ ଏହି ରାକେଟ୍ ର ଚେର କେତେ ଦୂର ଲମ୍ବିଛି ସେନେଇ ଛାନଭିନ୍ ଆରମ୍ଭ କରିଛି ଏସଟିଏଫ ।
