ପୁରୀ, ଗୋଟିପୁଅ ନୃତ୍ୟ ଓଡ଼ିଆ ସଂସ୍କୃତିର ଏକ ଅନନ୍ୟ ପ୍ରଦର୍ଶନ । ଏହା କୋଟି କୋଟି ଦର୍ଶକଙ୍କୁ ମନ୍ତ୍ରମୁଗ୍ଧ କରିଥାଏ ନିଜ ଉତ୍କୃଷ୍ଟ ପ୍ରଦର୍ଶନରେ । ରଘୁରାଜପୁରର ଏହି ଚମତ୍କାର ନୃତ୍ୟକୁ ନେଇ ଆଜି ଠାରୁ ଆସନ୍ତା ୨୫ ତାରିଖ ପର୍ଯ୍ୟନ୍ତ ରଘୁରାଜପୁର ଗ୍ରାମରେ ଅନୁଷ୍ଠିତ ହେବାକୁ ଯାଉଛି ଗୋଟିପୁଅ ନୃତ୍ୟ ଉତ୍ସବ । ଆଜି ସଂନ୍ଧ୍ୟାରେ ଉତ୍ସବର ଶୁଭାରମ୍ଭ ହେବ । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଂଚିଛି ।
