ଜମ୍ମୁକାଶ୍ମୀରର ପୁଞ୍ଚ ସେକ୍ଟର ଠାରେ ଆତଙ୍କବାଦୀଙ୍କ ଗ୍ରେନେଡ ଆକ୍ରମଣରେ ସହିଦ ହୋଇଥିବା ଭାରତୀୟ ବୀର ଯବାନଙ୍କୁ ଉର୍ଜାବାନ ଓଡିଶା ପରିବାର ପକ୍ଷରୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି l ସ୍ଥାନୀୟ ଗୁଣ୍ଡିଚା ମନ୍ଦିର ନିକଟ ଠାରେ ସଙ୍ଗଠନର ସଦସ୍ୟ ସଦସ୍ୟା ମାନେ ଏକତ୍ରିତ ହୋଇ ସହିଦ ଯବାନ ମାନଙ୍କ ଫଟୋରେ ପୁଷ୍ପ ଅର୍ପଣ କରିବା ସହ ସେମାନଙ୍କ ଅମର ଆତ୍ମାର ସଦ୍ ଗତି କାମନା କରି ନୀରବ ପ୍ରାର୍ଥନା କରିଥିଲେ l ସଭାପତି ସନ୍ତୋଷ ସେନାପତି ଦେଶର ସୁରକ୍ଷା ପାଇଁ ନିଜର ସର୍ବସ୍ଵ ତ୍ୟାଗ କରିଦେଇଥିବା ଯବାନମାନଙ୍କ ପ୍ରତି ପାକିସ୍ଥାନର ଏପରି ହୀନ ମାନସିକତାକୁ ଭର୍ତ୍ସନା କରିବା ସହ ସହିଦ ମାନଙ୍କ ବଳିଦାନ କେବେ ବ୍ୟର୍ଥ ଯିବ ନାହିଁ ବୋଲି କହିଥିଲେ l ସଂପାଦିକା ନିହାରିକା ତ୍ରିପାଠୀ ପୁରୀ ଜିଲ୍ଲା ସତ୍ୟବାଦୀର ସହିଦ ଦେବାଶିଷ ବିଶ୍ଵାଳଙ୍କ ବଳିଦାନରୁ ଆମକୁ ପ୍ରେରଣା ନେଇ ସମାଜ ତଥା ଦେଶ ପାଇଁ ତ୍ୟାଗ ମନୋଭାବ ପୂର୍ବକ କର୍ତ୍ତବ୍ଯ ସମ୍ପାଦନ କରିବା ପାଇଁ କହିଥିଲେ l ଶେଷରେ ଶ୍ରୀ ଗୁଣ୍ଡିଚା ମନ୍ଦିର ସମ୍ମୁଖରେ ଶ୍ରୀଜୀଉଙ୍କ ଉଦ୍ଦେଶ୍ୟରେ ସହିଦମାନଙ୍କ ପାଇଁ ଦୀପଦାନ କରାଯାଇଥିଲା l ଏହି ଶ୍ରଦ୍ଧାଞ୍ଜଳି ସଭାରେ ସନ୍ତୋଷ ମୁଖି ମନୋରଞ୍ଜନ ରଥ, ଜିତେନ୍ଦ୍ର ପାତ୍ର, ଜଗନ୍ନାଥ ପଣ୍ଡା, ମନୋଜ ନାୟକ, ଦେବେନ୍ଦ୍ର ସୁବୁଦ୍ଧି,ବିଭୁ ପ୍ରସାଦ ନନ୍ଦ ଉପସ୍ଥିତ ଥିଲେ l
