ଭୁବନେଶ୍ୱର, ଜମ୍ମୁ-କାଶ୍ମୀରରେ ଆତଙ୍କବାଦୀ ଆକ୍ରମଣରେ ବଳିଦାନ ଦେଇଥିବା ଲାନ୍ସନାୟକ ଦେବାଶିଷ ବିଶ୍ବାଳଙ୍କ ପାର୍ଥିବ ଶରୀର ଭୁବନେଶ୍ୱର ପହଂଚିବା ପରେ ବିଜେପିର ରାଷ୍ଟ୍ରୀୟ ପ୍ରବକ୍ତା ଡ ସମ୍ବିତ ପାତ୍ର ତାଙ୍କୁ ଶ୍ରଦ୍ଧାଂଜଳି ଜଣାଇଛନ୍ତି ।
ସେ ଟ୍ୱିଟ କରି କହିଛନ୍ତି ଯେ – ଜାମ୍ମୁ କାଶ୍ମୀରରେ ଭାରତର ସୁରକ୍ଷା ପାଇଁ ନିୟୋଜିତ ସତ୍ୟବାଦୀ ବିଧାନସଭା ନିର୍ବାଚନମଣ୍ଡଳୀ ଅନ୍ତର୍ଗତ ଅଳଗୁମ ପଞ୍ଚାୟତର ବାସିନ୍ଦା ଶହୀଦ ଦେବାଶିଷ ବିଶ୍ୱାଳଙ୍କର ମର ଶରୀର ଆଜି ଭୁବନେଶ୍ୱର ବିମାନ ବନ୍ଦରରେ ପହଂଚିବା ପରେ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ମୋର ସମବେଦନା ଜଣାଇଲି l ଜାତୀୟ ସୁରକ୍ଷା କ୍ଷେତ୍ରରେ ଏହି ଦେଶ ସର୍ବଦା ତୁମର ସର୍ବୋଚ୍ଚ ବଳିଦାନକୁ ମନେ ରଖିବ ।
