ପୁରୀ, ଜାମ୍ମୁ- କାଶ୍ମୀରର ପୁଞ୍ଛରେ ଆତଙ୍କବାଦୀ ନିରୋଧି ଅପରେସନରେ ସାମିଲ୍ ଥିବା ରାଷ୍ଟ୍ରୀୟ ରାଇଫଲ୍ସର ୫ ଜଣ ଯବାନ ସହିଦ ହୋଇଛନ୍ତି । ସହିଦ ୫ ଯବାନଙ୍କ ମଧ୍ୟରେ ରହିଛନ୍ତି ଜଣେ ଓଡ଼ିଆ ଯବାନ ଲାନ୍ସ ନାଏକ ଦେବାଶିଷ ବିଶ୍ଵାଳ । ଏହି ଖବର ପାଇବା ପରେ ସହିଦଙ୍କର ଗାଁ ପୁରୀ ଜିଲ୍ଲା ସତ୍ୟବାଦୀ ବ୍ଲକ ଅନ୍ତର୍ଗତ ଅଳଗୁମ ପଂଚାୟତର ଖଣ୍ଡାୟତ ସାହିରେ ଶୋକାକୂଳ ପରିବେଶ ସୃଷ୍ଟି ହୋଇଛି । ସହିଦ ଦେବାଶିଷଙ୍କର ଏକ ୭ ମାସର କନ୍ୟା ସନ୍ତାନ ଓ ପତ୍ନୀ ରହିଛନ୍ତି ।
