ମାଲକାନଗିରି, ମାଲକାନଗିରି କାଲିମେଳା ୩୨୬ ନମ୍ବର ଜାତୀୟ ରାଜପଥ କୁନନପଲ୍ଲୀ ଗ୍ରାମ ନିକଟରେ ଦୁଇ ବାଇକ ମଧ୍ୟରେ ଧକ୍କା ହେବା ଫଳରେ ୪ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଜଣ ଗୁରୁତର ଅଛନ୍ତି।
ମିଳିଥିବା ସୂଚନା ଅନୁଯାୟୀ, ଆଜି ସକାଳ ୭ଟା ବେଳେ ମାଲକାନଗିରି କାଲିମେଳା ୩୨୬ ନମ୍ବର ଜାତୀୟ ରାଜପଥର ଉଭୟ ପାର୍ଶ୍ଵରୁ ଆସୁଥିବା ଦୁଇ ମୋଟର ସାଇକେଲ ମୁହାଁମୁହିଁ ଧକ୍କା ହୋଇଥିଲେ। ଦୁର୍ଘଟଣାରେ ୪ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୩ ଜଣ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଲୋକମାନେ ସମସ୍ତ ଆହତଙ୍କୁ ୧୦୮ଆମ୍ବୁଲାନ୍ସ ଯୋଗେ କାଲିମେଳା ଗୋଷ୍ଠି ସ୍ଵାସ୍ଥ୍ୟକେନ୍ଦ୍ରକୁ ଚିକିତ୍ସା ନିମନ୍ତେ ପଠାଇ ଥିବାର ଜଣାପଡିଛି। କାଲିମେଳା ବ୍ଳକ ତେଲେରାଇ ଗ୍ରାମର ପ୍ରଦୀପ ପଡିଆମୀ ତାଙ୍କ ଭଉଣୀ ଶାନ୍ତି ପଡିଆମୀ ଓ ରାହୁଲ ମାଢି ଗୁରୁତର ହୋଇଥିବା ବେଳେ ଟିଗଲ ପଞ୍ଚାୟତ ଏମଭି ୨୯ ଗ୍ରାମର ପ୍ରଳୟ ମଣ୍ଡଳ ଆହତ ହୋଇଥିବାର ଜଣାଯାଇଛି। ପ୍ରଳୟ ମଣ୍ଡଳ ଏମଭି -୭୯ ଆଡୁ ଆସୁଥିବା ବେଳେ ଆଜି ବିଦ୍ୟାଳୟ ଛୁଟିହେବାରୁ ପ୍ରଦୀପ, ରାହୁଲ, ନିଜ ଭଉଣୀ ଶାନ୍ତିକୁ ଏକ ବାଇକରେ ଧରି ଯାଉଥିବା ବେଳେ ଦୁର୍ଘଟଣା ଘଟିଛି। ସମସ୍ତଙ୍କୁ କାଲିମେଳା ଗୋଷ୍ଠି ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ସମସ୍ତଙ୍କୁ ପ୍ରାଥମିକ ଚିକିତ୍ସା କରାଯାଇ ମାଲକାନଗିରି ଜିଲ୍ଲା ସଦର ମହକୁମା ମେଡିକାଲକୁ ପଠାଯାଇଥିବା ଜଣାପଡିଛି।
