-
ପ୍ରାର୍ଥୀପତ୍ର ଦାଖଲ କଲେ ବିଜେଡ଼ି ପ୍ରାର୍ଥୀ ଦୀପାଳି ଦାସ
ଝାରସୁଗୁଡ଼ା, ଝାରସୁଗୁଡ଼ା ଉପନିର୍ବାଚନ ପାଇଁ ଆଜି ପ୍ରାର୍ଥୀପତ୍ର ଦାଖଲ କରିଛନ୍ତି ବିଜେଡ଼ି ପ୍ରାର୍ଥୀ ଦୀପାଳି ଦାସ । ଝାରସୁଗୁଡ଼ା ମନମୋହନ ଏମଇ ସ୍କୁଲ ପଡିଆରୁ ଦଳୀୟ ରାଜ୍ୟସ୍ତରିୟ ନେତା ଓ ସମର୍ଥକଙ୍କ ଗହଣରେ ଦୀପାଳି ଏକ ବିରାଟ ଶୋଭାଯାତ୍ରାରେ ଯାଇ ଉପ ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ଅପରାହ୍ନ ୧ଟା ୪୫ ମିନିଟ୍ ସମୟରେ ପହଂଚି ଥିଲେ । ପରେ ସେଠାରେ ଉପଜିଲ୍ଲାପାଳଙ୍କ ନିକଟରେ ନାମାନଙ୍କନପତ୍ର ଦାଖଲ କରିଥିଲେ ।
ତାଙ୍କ ସହିତ ଏହି ଶୋଭାଯାତ୍ରାରେ ଝାରସୁଗୁଡ଼ା ଉପନିର୍ବାଚନ ପାଇଁ ନିଯୁକ୍ତ ଦଳୀୟ ପର୍ଯ୍ୟବେକ୍ଷକ ପ୍ରଶନ୍ନ ଆଚାର୍ଯ୍ୟ, ଝାରସୁଗୁଡ଼ା ଜିଲ୍ଲା ପର୍ଯ୍ୟବେକ୍ଷକ ସାରଦା ନାୟକ, ଅର୍ଥମନ୍ତ୍ରୀ ନିରଞ୍ଜନ ପୁଜାରୀ, ଖଦି ଓ ଗ୍ରାମ ଉଦ୍ୟୋଗ ମନ୍ତ୍ରୀ ରୀତା ସାହୁ, ବିଧାୟିକା ଅଳକା ମହାନ୍ତି, ବିଜେଡ଼ିର ବରିଷ୍ଠ ନେତା ଦେବୀପ୍ରସାଦ ମିଶ୍ର, ସ୍ନେହାଜ୍ଞିନୀ ଛୁରିଆଙ୍କ ସମେତ ବହୁ ସଂଖ୍ୟାରେ ଦଳୀୟ କର୍ମୀ ଓ ସମର୍ଥକ ସାମିଲ୍ ହୋଇଥିଲେ ।
ପ୍ରକାଶ ଥାଉକି, ଗତକାଲି ବିଜେପି ପ୍ରାର୍ଥୀ ଟଙ୍କଧର ତ୍ରିପାଠୀ ପ୍ରାର୍ଥୀପତ୍ର ଦାଖଲ କରିଥିଲେ । ସେହିପରି ଗତ ୧୫ ତାରିଖରେ କଂଗ୍ରେସ ପକ୍ଷରୁ ତରୁଣ ପାଣ୍ଡେ ପ୍ରାର୍ଥୀପତ୍ର ଦାଖଲ କରିଥିଲେ । ପ୍ରାର୍ଥୀପତ୍ର ଦାଖଲର ଶେଷ ତାରିଖ ଅପ୍ରେଲ ୨୦ ତାରିଖ ରହିଛି ।
