ନୂଆ ସୂରୁଯଟି ଉଇଁ
କାନେ କାନେ କହେ ହେ ଓଡିଆ ପୁଅ
ଆଳସ୍ୟ ହଟାଅ ତୁହି ।
ହସି ହସି ଆସେ ନୂଆ ବରଷ ଯେ
ପ୍ରିତିର ପରଶ ନେଇ |
ଅପ୍ରେଲ ୧୪ ପଣା ସଂକରାନ୍ତି
ଓଡିଶାର ଗର୍ବ ଏହି ।
ବୀର ହନୁମାନ ଜୟନ୍ତୀ ଅଟଇ
ରାମଙ୍କର ଶ୍ରେଷ୍ଠ ଭକ୍ତ
ଓଡ଼ିଆ ପୁଅର ପରିଚୟ ଏହୁ
ଓଡିଆ ଭାଷା ସନ୍ତକ ।
ସାତ୍ତ୍ଵିକ ଭୋଜନେ ଓଡିଆ ପୁଅଟି
ନବ ବର୍ଷ ପାଳେ ମିଶି
କି ସୁନ୍ଦର ମୋ ପରମ୍ପରା ଏହୁ
ଭୁଲିନି ଓଡ଼ିଆ ଜାତି ।
ପରମ୍ପରା ଆଉ ସଂସ୍କୃତି ପାଖରେ
ଓଡିଆ ହୋଇଛି ବନ୍ଧା
ନାହିଁ ମଧୁବାବୁ ଅଛି ଏ ଜାତିଟା
ସ୍ୱାଭିମାନେ ଟେକି ମଥା ।
ଭିନ୍ନ ରୂପେ ଏହି ନବ ବରଷକୁ
ପାଳୁଛି ଓଡିଆ ପୁଅ
ସ୍ଵାଗତ ସ୍ଵାଗତ ଆହେ ନବ ବର୍ଷ
ସର୍ବେ ଶୁଭଙ୍କର ହୁଅ ।
ଶିକ୍ଷକ ବିଜୟ କୁମାର ମହାନ୍ତି
ବରପୁଟ , ବାଙ୍କୀ ,କଟକ ।
