ଭଦ୍ରକ, ଧାନ ବିକ୍ରୀ ଟଙ୍କା ନମିଳିବାରୁ ଧାମରା-ଜାମୁଝାଡ଼ି ରାସ୍ତାର ଚାନ୍ଦିମାଳ ଛକରେ ରାସ୍ତାରୋକ କରିଛନ୍ତି ଚାଷୀ । ଫଳରେ ଦୀର୍ଘ ସମୟ ଧରି ସମ୍ପୃକ୍ତ ରୁଟ୍ ରେ ଯାନବାହନ ଚଳାଚଳ ବ୍ୟାହତ ହୋଇଛି । ରାସ୍ତାର ଉଭୟ ପାର୍ଶ୍ଵରେ ଅଟକି ରହିଛି ଶତାଧିକ ଗାଡି ମୋଟର । ଗଦି ସେବା ସମବାୟ ସମିତିରେ ଧାନ ବିକ୍ରୀ କରିବାର ୩ ମାସ ପରେ ମଧ୍ୟ ଚାଷୀଙ୍କୁ ଏ ବାବଦ ଟଙ୍କା ମିଳିନଥିବା ଅଭିଯୋଗ ହୋଇଛି, ଯାହାକୁ ନେଇ ଚାଷୀ ମାନେ ଆନ୍ଦୋଳନକୁ ଓହ୍ଲାଇଛନ୍ତି ।
ଖବର ପାଇ ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲାପାଳ ଏକ ସ୍ଵତନ୍ତ୍ର ଟିମ୍ ପଠାଇ ୭ ଦିନ ମଧ୍ୟରେ ସେମାନଙ୍କ ପ୍ରାପ୍ୟ ପାଇବାର ବ୍ୟବସ୍ଥା କରିବେ ବୋଲି ସୂଚନା ମିଳିଛି । ଆଜି ସକାଳ ୭ଟା ଠାରୁ ଆରମ୍ଭ ହୋଇଥିବା ଏହି ରାସ୍ତାରୋକ ମଧ୍ୟାହ୍ନ ସାଢ଼େ ୧୨ଟା ପର୍ଯ୍ୟନ୍ତ ଜାରୀ ରହିଛି ।
