ଗଞ୍ଜାମ, ବ୍ରହ୍ମପୁର ବଡବଜାର ଥାନା ପୋଲିସ ଜଣେ ଅପହୃତା ନାବାଳିକାକୁ ଯାଜପୁରର ବଟଗାଁରୁ ଉଦ୍ଧାର କରିଥିବା ବେଳେ ଅପହରଣ କରିଥିବା ଅଭିଯୋଗରେ ଶ୍ରୀନିବାସ ମଲ୍ଲିକ ନାମକ ଜଣେ ଯୁବକକୁ ଗିରଫ କରିଛି । ଗିରଫ ପରେ ଅଭିଯୁକ୍ତକୁ କୋର୍ଟଚାଲାଣ କରାଯାଇଛି ।
ଗତ ମାସ ୨୩ ତାରିଖରେ ନାବାଳିକା ଜଣକ ବଜାରକୁ ଚୁଡ଼ି କିଣିବାକୁ ଯାଇ ଆଉ ଘରକୁ ଫେରିନଥିଲେ । ବହୁ ଖୋଜାଖୋଜି କରିବା ପରେ ସୁଦ୍ଧା ତାଙ୍କର କୌଣସି ସନ୍ଧାନ ନପାଇବାରୁ ଝିଅର ବାପା ଏନେଇ ଥାନାରେ ଲିଖିତ ଅଭିଯୋଗ ଦାୟର୍ କରିଥିଲେ । ଅଭିଯୋଗକୁ ଭିତି କରି ବଡବଜାର ଥାନା ପୋଲିସ ଏ ସଂକ୍ରାନ୍ତରେ ଏକ ଅପହରଣ ମାମଲା ରୁଜ୍ଜୁ କରିବା ସହ ଫୋନ୍ କଲ୍ ଟ୍ରାକିଂ କରି ଯାଜପୁରରୁ ନାବାଳିକାକୁ ଉଦ୍ଧାର କରିବାରେ ସକ୍ଷମ ହୋଇଛି ।
