ଖୋର୍ଦ୍ଧା, ସକାଳେ ଫୁଲ ତୋଳୁଥିବା ବେଳେ ମହିଳାଙ୍କୁ ଦଳିଦେଲା ଦନ୍ତାହାତୀ । ଫଳରେ ସମ୍ପୃକ୍ତ ମହିଳାଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ମୃତ ମହିଳା ଜଣକ ହେଲେ ଟାଉନ ଥାନା ଅନ୍ତର୍ଗତ ପାନବରଜ ଗ୍ରାମର କିରଣବାଳା ମାନ୍ଧାତା (୫୭) । ସେହିପରି ହାତୀ ଆକ୍ରମଣରେ ସେହି ଗ୍ରାମର ଅନ୍ୟ ଜଣେ ୫୫ ବର୍ଷିୟା ମହିଳା ରମା ବେହେରା ଗୁରୁତର ହୋଇଛନ୍ତି ।
ଅନୁରୂପ ଭାବେ ଟାଙ୍ଗିଆପଡା ଗ୍ରାମ ରାସ୍ତାରେ ଛିଡା ହୋଇଥିବା ବେଳେ ବିକ୍ରମ ସାମନ୍ତରାୟଙ୍କୁ ଏହି ଦନ୍ତା ହାତୀଟି ଆକ୍ରମଣ କରିଥିଲା । ଫଳରେ ସେ ମଧ୍ୟ ଆହତ ହୋଇଛନ୍ତି । ଆହତ ଦ୍ଵୟଙ୍କୁ ଚିକିତ୍ସା ନିମନ୍ତେ ଖୋର୍ଦ୍ଧା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ଖବର ପାଇ ପୋଲିସ ଓ ବନବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ହାତୀଟିକୁ ଜଙ୍ଗଲକୁ ଘଉଡାଇବାକୁ ଉଦ୍ୟମ ଜାରି ରଖିଛନ୍ତି ।
