ସୁନ୍ଦରଗଡ଼ /ଭୁବନେଶ୍ୱର, ରାଇତିରି ଜଙ୍ଗଲରେ ହାତୀମାନଙ୍କୁ ଟ୍ରାକ୍ କରୁଥିବା ବେଳେ ଦନ୍ତା ହାତୀ ଆକ୍ରମଣରେ ଜଣେ ବନ କର୍ମଚାରୀ ଗୁରୁତର ଆହତ ହୋଇଛନ୍ତି । ଗୁରୁତର ବନ କର୍ମଚାରୀ ହେଲେ ଗଗନ ନାୟକ । ଅନ୍ୟ କର୍ମଚାରୀ ତାଙ୍କୁ ଉଦ୍ଧାର କରି ପ୍ରଥମେ ଗୁରୁଣ୍ଡିଆ ଡାକ୍ତରଖାନା ଭର୍ତି କରିଥିଲେ । ପରେ ଆରଜିଏଚ୍ କୁ ସ୍ଥାନାନ୍ତର ହୋଇଛନ୍ତି ଗଗନ ।
ସୂଚନା ଅନୁଯାୟୀ ସୁନ୍ଦରଗଡ଼ ଜିଲ୍ଲା ଜରଡ଼ା ରେଞ୍ଜର କଂସର ବିଟ ରାଇତିରି ଜଙ୍ଗଲରେ ୧୫ଟିକିଆ ହାତୀ ଥିବା ସୂଚନା ପାଇ ବନ କର୍ମଚାରୀ ଟିମ ଘଟଣା ସ୍ଥଳକୁ ଯାଇଥିଲେ । ହାତୀ ମାନଙ୍କୁ ଟ୍ରାକ କରୁ ଥିବା ବେଳେ ଏକ ଦନ୍ତା ହାତୀ ହଠାତ ବନ କର୍ମଚାରୀ ଗଗନ ନାୟକଙ୍କୁ ଆକ୍ରମଣ କରିଥିଲା । ତୁରନ୍ତ ଅନ୍ୟ କର୍ମଚାରୀ ଅନ୍ୟ ହାତୀଙ୍କୁ ଘଉଡ଼ାଇ ଗଗନକୁ ଉଦ୍ଧାର କରି ପ୍ରଥମେ ଗୁରୁଣ୍ଡିଆ ଡାକ୍ତରଖାନା ପରେ ଗୁରୁତର ହେବାରୁ ରାଉରକେଲା ଆରଜିଏଚ କୁ ପଠାଯାଇଛି ।
