ମାଲକାନଗିରି,ବେଆଇନ ଭାବେ ବାହାର ରାଜ୍ୟକୁ ଚାଲାଣ ପାଇଁ ଗଛିତ ରଖିଥିବା ୨୫ କୁଇଂଟାଲ ମହୁଲ ଫୁଲ ଜବତ ସହିତ ଜଣଙ୍କୁ ଗିରଫ କରିଛି ଅବକାରୀ ବିଭାଗ । ମାଲକାନଗିରି ଜିଲ୍ଲା ଅବକାରୀ ଅଧିକ୍ଷକ ବିମ୍ବାଧର ପଣ୍ଡାଙ୍କ ନିର୍ଦ୍ଦେଶ କ୍ରମେ, ମାଥିଲି ଅବକାରୀ ବିଭାଗ ଦ୍ୱାରା ମାଥିଲି ଥାନା ଅନ୍ତର୍ଗତ ଦାମା ପାଡା ଗ୍ରାମରେ ଛଢ଼ାଉ କରି ନିରଞ୍ଜନ ଜେନାଙ୍କ ଘରେ ଗଛିତ ରଖି ଥିବା ୨୫ କୁଇଂଟାଲ ମହୁଲ ଫୁଲ ଜବତ କରିଛନ୍ତି । ଅଭିଯୁକ୍ତ ନିରଞ୍ଜନକୁ ଗିରଫ କରି ଆଜି କୋର୍ଟ ଚାଲାଣ କରାଯାଇଛି । ନିରଞ୍ଜନ ବିନା ଲାଇସେନ୍ସରେ ମହୁଲ କିଣି ବେଆଇନ ଭାବେ ଛତିଶଗଡ ରାଜ୍ୟକୁ ଚୋରାଚାଳନ କରୁଥିବାର ଅବକାରୀ ବିଭାଗୀୟ ଅଧିକାରୀଙ୍କ ନିକଟରେ ଖବର ଥିଲା । ଆଜି ମାଥିଲି ଅବକାରୀ ଉପ ନିରୀକ୍ଷକ ରବୀନ୍ଦ୍ର ନାଥ ପ୍ରଧାନ, ସହ ନିରୀକ୍ଷକ ଜେମ୍ସ ମାଲେକୁମ ସାହୁ, ଅବକାରୀ କର୍ମଚାରୀ ଗୋବିନ୍ଦ ବିଞ୍ଜାମ, ପ୍ରଭାତ ସାହୁ ଏଂବ ନିତ୍ୟାନନ୍ଦ ତାଣ୍ଡି ପ୍ରମୁଖ ପ୍ରମୁଖ ଅବକାରୀ କର୍ମଚାରୀ ଚଢଉ କରି ମହୁଲ ଫୁଲ ଜବତ ସହିତ ନିରଞ୍ଜନକୁ ଗିରଫ କରିଥିଲେ ।
