କୁଜଙ୍ଗ- କୁଜଙ୍ଗ ତହସିଲଦାର ଥିବା ରମେଶ ପଣ୍ଡାଙ୍କ ଭଦ୍ରକ ଜିଲ୍ଲାକୁ ବଦଳି ହେବା ପରେ ତାଙ୍କ ସ୍ଥାନରେ ନଭେମ୍ବର ୨୫ ତାରିଖରେ ବରିର ତହସିଲଦାର ଥିବା ପ୍ରଭାସ ବେଉରା କୁଜଙ୍ଗରେ ନୂତନ ତହସିଲଦାର ଭାବେ ଦାୟିତ୍ୱ ଗ୍ରହଣ କରିଥିଲେ । ଶ୍ରୀ ବେଉରା ୧୫ ଦିନ ହେବ ତହସିଲଦାର ଭାବେ କାର୍ଯ୍ୟକରି ଥିଲା ବେଳେ ଡିସେମ୍ବର ୯ ତାରିଖରେ ତାଙ୍କର ଅଚାନକ ବଦଳି ଅର୍ଡର ବାହାରିଛି । ଏହି ବଦଳି ଅର୍ଡ଼ର ଅନୁଯାୟୀ ସେ ଏବେ ବୌଦ୍ଧ ଜିଲ୍ଲାର ହରଭଙ୍ଗା ବିଡିଓ । ଉକ୍ତ ଘଟଣା ନେଇ ବୁଦ୍ଧିଜୀବି ମହଲରେ ନାନାକଥା ଚର୍ଚ୍ଚା ହେବାରେ ଲାଗିଛି । ସେହିପରି ରାଜସ୍ୱ ବିଭାଗ ଅଧିକାରୀଙ୍କୁ ପଂଚାୟତରାଜ ବିଭାଗକୁ ହଠାତ୍ ଯେଉଁଭଳି ଭାବେ ବଦଳି କରାଯାଇଛି ଏବଂ ତହସିଲଦାର ଭାବେ ୧୫ଦିନ ଦାୟିତ୍ୱ ଗ୍ରହଣ କରିଥିବା ଶ୍ରୀ ବେଉରା ଯେଉଁଭଳି ଅତର୍କିତ ଭାବେ ବଦଳି ହୋଇଛନ୍ତି ସେଥିନେଇ କୁଜଙ୍ଗ ଅଂଚଳରେ ନାନାକଥା ଚର୍ଚ୍ଚା ହେବାରେ ଲାଗିଛି । ଆହୁରି ମଧ୍ୟ ଅଳ୍ପଦିନ କାର୍ଯ୍ୟକରିଥିବା ତହସିଲଦାରଙ୍କୁ ଯେଉଁଭଳି ଭାବେ ବଦଳି କରାଯାଇଛି ଏହାକୁ ବୁଦ୍ଧିଜିବୀ ମହଲରେ ତୀବ୍ର ନିନ୍ଦା କରାଯାଇଛି ।
