ରାୟଗଡ଼ା, ରାୟଗଡ଼ା ଜିଲ୍ଲା ପଦ୍ମପୁର ପୋଲିସ ଏକ କଲରାପତରିଆ ବାଘ ଛାଲ ଜବତ କରିବା ସହ ଘଟଣାରେ ୨ ଜଣଙ୍କୁ ଗିରଫ କରିଛି । ଗତକାଲି ରାତିରେ ପାଟ୍ରୋଲିଂ ସମୟରେ ୩୨୬ ନଂ ଜାତୀୟ ରାଜପଥର ନାରାୟଣପୁର ନିକଟ ଜଙ୍ଗଲରୁ ଏହି କଲରାପତରିଆ ବାଘ ଛାଲ ଜବତ କରିଛି ପୋଲିସ । ଏଥିରେ ସମ୍ପୃକ୍ତ ଦୁଇ ଜଣଙ୍କୁ ଗିରଫ କରାଯାଇଛି । ଗିରଫ ଦୁଇ ଅଭିଯୁକ୍ତ ହେଲେ ଶଉଲା ମାଝି ଓ ନଉସେନ ମଲ୍ଲିକ । ଉଭୟଙ୍କ ଘର ଗଜପତି ଜିଲ୍ଲାରେ ହୋଇଥିବା ଜଣାପଡିଛି । ଅଭିଯୁକ୍ତ ମାନଙ୍କ ନିକଟରୁ ୬୪ କେଜି ଗଞ୍ଜେଇ ଓ ୨ଟି ମୋବାଇଲ ସହ ନଗଦ ୯୨୦ ଟଙ୍କା ଜବତ ହୋଇଛି । ପଦ୍ମପୁର ଥାନାରେ ଏ ସଂକ୍ରାନ୍ତରେ ୫୫/୨୩ ଏନଡିପିଏସ ଧାରାରେ ଏକ ମାମଲା ରୁଜ୍ଜୁ ହୋଇଛି । ଅଭିଯୁକ୍ତ ମାନଙ୍କୁ ଆଜି କୋର୍ଟଚାଲାଣ କରାଯିବ ବୋଲି ରାୟଗଡ଼ା ଏସପି ବିବେକାନନ୍ଦ ଶର୍ମା ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ତେବେ ଏହି ବାଘ ଛାଲ ରାକେଟ୍ ର ଚେର କେତେଦୂର ଲମ୍ବିଛି । ସେନେଇ ପୋଲିସ ପକ୍ଷରୁ ଅଧିକ ତଦନ୍ତ ଜାରୀ ରହିଛି ।
