କୁଜଙ୍ଗ- ଭାରତୀୟ ଜୀବନ ବୀମା ନିଗମ ପାରାଦ୍ୱୀପ ଶାଖା ପକ୍ଷରୁ କୁଜଙ୍ଗ ବ୍ଲକ ଅନ୍ତର୍ଗତ ସରକାରୀ ପ୍ରାଥମିକ ବିଦ୍ୟାଳୟ ଉଚ୍ଛବାନନ୍ଦପୁରରେ ପ୍ରତିଭା ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଜୀବନ ବୀମା ଅଧିକାରୀ ମହେଶ୍ୱର ବେହେରା ଓ ଗୌରାଙ୍ଗ ପାତ୍ର, ଜଗତସିଂହପୁର ଜିଲ୍ଲା ନିମ୍ନମାଧ୍ୟମିକ ଶିକ୍ଷକ ସଂଘର କାର୍ଯ୍ୟକାରୀ ସଭାପତି ଶିବ ପ୍ରସାଦ ଲେଙ୍କା, ସ୍କୁଲ୍ ପରିଚାଳନା କମିଟି ସଭାପତି ଶିଶିର ସାମଲ, ୱାର୍ଡ ସଭ୍ୟ ଶୋମନାଥ ସ୍ୱାଇଁ ପ୍ରମୁଖ ଅତିଥିଭାବେ ଯୋଗଦେଇ ୧୭ଜଣ ଛାତ୍ର ଛାତ୍ରୀଙ୍କୁ ବିଭିନ୍ନ ପାଠ୍ୟ ଉପକରଣ ପ୍ରଦାନ କରିବା ସଂଗେ ସଂଗେ ସମ୍ମାନୀତ କରିଥିଲେ ।
ପ୍ରଧାନ ଶିକ୍ଷକ ଅଶୋକ ସ୍ୱାଇଁଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବୀମା ଅଧିକର୍ତା ସୁମନ୍ତ ରଣା, ଆଭିମୁଖ୍ୟ ପ୍ରଦାନ କରିବା ସଂଗେ ସଂଗେ ସ୍ୱାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିଲା ବେଳେ ସ୍ୱନାମ ଧନ୍ୟ ଶିକ୍ଷକ ବିରେନ୍ଦ୍ର ଜେନା ଧନ୍ୟବାଦ ଅର୍ପଣ କରିଥିଲେ ।
