ନୂଆଦିଲ୍ଲୀ, ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଦୃତ ଗତିରେ ବୃଦ୍ଧି ପାଇବାରେ ଲାଗିଛି । ଗତ ୨୪ ଘଂଟାରେ ନୂଆ ୩,୦୯୫ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଇତିମଧ୍ୟରେ ୨ ଜଣଙ୍କ ମୃତ୍ୟୁ ଘଟିଛି । ଗତ ୨୪ ଘଂଟା ମଧ୍ୟରେ ୧,୩୯୦ ଆକ୍ରାନ୍ତ ସୁସ୍ଥ ହୋଇଛନ୍ତି । ବର୍ତମାନ ସୁଦ୍ଧା କରୋନାରୁ ମୋଟ୍ ୪,୪୧,୬୯,୭୧୧ ଆକ୍ରାନ୍ତ ସୁସ୍ଥ ହୋଇଛନ୍ତି । ସୁସ୍ଥ ହେଉଥିବା ସଂକ୍ରମିତଙ୍କ ହାର ୯୮.୭୮ ରହିଛି ।
କେନ୍ଦ୍ର ସ୍ଵାସ୍ଥ୍ୟ ମନ୍ତ୍ରାଳୟ ପକ୍ଷରୁ ଶୁକ୍ରବାର ସକାଳେ ଜାରୀ ହୋଇଥିବା ସୂଚନା ପ୍ରକାରେ ଦେଶରେ ସକ୍ରିୟ ରୋଗୀଙ୍କ ସଂଖ୍ୟା ୧୫,୨୦୮କୁ ବୃଦ୍ଧି ପାଇଛି । ଦୈନିକ ସଂକ୍ରମଣର ହାର ୨.୬୧ ପ୍ରତିଶତ ରହିଛି । ଅନ୍ୟପକ୍ଷରେ ଗତ ୨୪ ଘଂଟା ମଧ୍ୟରେ ୬,୫୫୩ କରୋନା ଡୋଜ୍ ଦିଆଯାଇଛି । ବର୍ତମାନ ସୁଦ୍ଧା ଦେଶରେ ୨୨୦.୬୫ କୋଟି କରୋନା ଡୋଜ୍ ଦିଆଯାଇଛି । ଗତ ୨୪ ଘଂଟା ମଧ୍ୟରେ ୧,୧୮,୬୯୪ ଲୋକଙ୍କ କରୋନା ପରୀକ୍ଷା କରାଯାଇଛି । ଅଦ୍ୟାବଧି ମୋଟ୍ ୯୨.୧୫ କୋଟି ଲୋକଙ୍କ କରୋନା ପରୀକ୍ଷା କରାଯାଇଛି ।
