ବଲାଙ୍ଗିର, ଆଜି ଆଗଲପୁର ବ୍ଲକର କୁଟାସିଂହା ସରସ୍ବତୀ ଶିଶୁ ବିଦ୍ଯାମନ୍ଦିର ଠାରେ ପବିତ୍ର ” ଶ୍ରୀରାମନବମୀ ” ଉତ୍ସବ ମହାସମାରୋହରେ ପାଳିତ ହୋଇଯାଇଛି । ପରିଚାଳନା କମିଟିର ସଭାପତି ଦୟାନିଧି ପୁରୋହିତଙ୍କ ସଭାପତିତ୍ଵରେ ଅନୁଷ୍ଠିତ ଏହି ଉତ୍ସବରେ ମୁଖ୍ୟଅତିଥି ଭାବେ ରାଷ୍ଟ୍ରୀୟ ସ୍ଵୟଂସେବକ ସଂଘ, ବଲାଙ୍ଗିରର ସହ ଜିଲ୍ଲା କାର୍ଯ୍ୟବାହ ଯୋଗୀନ୍ଦ୍ର ଦାଶ, ସମ୍ମାନିତ ଅତିଥି ଭାବେ ସୋନପୁର ଜିଲ୍ଲାର କୃଷକ କବି ରାଜୁ ସେନାପତି ଯୋଗଦେଇଥିଲେ । ପ୍ରଥମେ ଭଗବାନ ଶ୍ରୀରାମଚନ୍ଦ୍ରଙ୍କ ପୂଜନ ସହ ଭଜନ ଗାନ କରାଯାଇଥିଲା। ତତ୍ପରେ ମୁଖ୍ୟଅତିଥି ଶ୍ରୀ ଦାଶ ମର୍ଯ୍ୟାଦାପୁରୁଷୋତ୍ତମ ଭଗବାନ ଶ୍ରୀରାମଚନ୍ଦ୍ରଙ୍କ ମହନୀୟ ଜୀବନାଦର୍ଶ ସହ ରାମନାମର ମହତ୍ଵ ସଂପର୍କରେ ଆଲୋଚନା କରିଥିଲେ ଓ ଶିଶୁଙ୍କୁ ତାଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଆହ୍ଵାନ ଦେଇଥିଲେ ।
ସମଗ୍ର କାର୍ଯ୍ୟକ୍ରମଟି ବିଦ୍ୟାଳୟର ପ୍ରଧାନ ଆଚାର୍ଯ୍ୟ ପ୍ରେମାନନ୍ଦ ସାହୁଙ୍କ ସଂଯୋଜନାରେ ଅନୁଷ୍ଠିତ ହୋଇଥିଲା । ଶେଷରେ ସଂପାଦକ ନରେନ୍ଦ୍ର କୁମାର ସାହୁ ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ସମସ୍ତ ଗୁରୁଜୀ ଗୁରୁମାଙ୍କ ସହ ଛାତ୍ରଛାତ୍ରୀ ଯୋଗ ଦେଇଥିଲେ।
