ଭୁବନେଶ୍ୱରର, ଶନିବାର ବିଳମ୍ବିତ ରାତ୍ରୀରେ ରାଜଧାନୀରେ ବନ୍ଧୁକ ଗର୍ଜିଛି । ପୋଲିସ ଗୁଳିରେ ହାର୍ଡକୋର ଅପରାଧି ଜିତେନ୍ଦ୍ର ପଲେଇ ଓରଫ ଜିତୁ ଆହତ ହୋଇଥିବା ଜଣା ପଡିଛି ।
ମିଳିଥିବା ସୂଚନା ଅନୁସାରେ ଖାରବେଳନଗର ଥାନାରେ ବମିଙ୍ଗ ସହ ଜୀବନରୁ ମାରିଦେବା ପାଇଁ ଧମକ ଦେବା ଭଳି ଅନେକ ମାମଲାରେ ଜିତୁର ସମ୍ପୃକ୍ତି ଥିଲା ।
ଫେରାର ଥିବା ଜିତୁ ଆଜି ଭୁବନେଶ୍ୱର ଆସୁଥିବା ବେଳେ ଟଙ୍କପାଣି ରୋଡ଼ ନିକଟରେ ଜିତୁର କାରକୁ ପୋଲିସ ଠାବ କରିଥିଲା । ଆଉ ଠିକ ଏହି ସମୟରେ ପୋଲିସ ପଞ୍ଝା ରୁ ଜିତୁ ବଞ୍ଚିବା ପାଇଁ ବଙ୍କୁଆଲ କୁଆଖାଇ ନଦୀ ଆଡ଼କୁ ଗାଡି ଚଢାଇବା ସମୟରେ ନିଜକୁ ସୁରକ୍ଷିତ ରଖିବା ପାଇଁ ପୋଲିସ ଅଧିକାରୀଙ୍କ ଉପରକୁ ଜିତୁ ଆଖିବୁଜା ଗୁଳି ଚାଳନା କରିଥିଲା ପରେ ନିଜକୁ ରକ୍ଷା କରିବାକୁ ଯାଇ ଖାରବେଳନଗର ଥାନାର ଥାନା ଅଧିକାରୀ ରଜନୀକାନ୍ତ ମିଶ୍ର ପାଲଟା ଗୁଳି ଚାଳନା କରିଥିଲେ । ଆଉ ଏହି ଏନକାଉଣ୍ଟରରେ ଅଭିଯୁକ୍ତ ଜିତୁ ପଲେଇ ଗୁରୁତର ଭାବେ ଆହତ ହୋଇ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଥିବା ଜଣା ଯାଇଛି ।
