ଭୁବନେଶ୍ୱର ,ରାଜ୍ୟରେ ୨୪ ଘଂଟାରେ ୧୭ ନୂଆ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଛନ୍ତି । ୧୩୪ ଦିନ ଭିତରେ ଏହା ସର୍ବାଧିକ ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର ସୂଚନା ଦେଇଛନ୍ତି ।
ସେ କହିଛନ୍ତି ଯେ ବର୍ତମାନ ରାଜ୍ୟରେ ୭୩ ଆକ୍ରାନ୍ତ କୋଭିଡ୍ ଅଛନ୍ତି । ସେମାନଙ୍କ ମଧ୍ୟରୁ ଜଣେ ହସ୍ପିଟାଲରେ ଚିକିତ୍ସାଧୀନ ଅଛନ୍ତି । ଗତ ୨୪ ଘଂଟାରେ ୫୬୪୭ ସାମ୍ପଲ୍ ଟେଷ୍ଟ ହୋଇଛି । ସେଥିରୁ ୧୭ ପଜିଟିଭ୍ ବାହାରିଛନ୍ତି । ଟେଷ୍ଟିଂ ବଢ଼ିଥିବାରୁ ଅଧିକ ପଜିଟିଭ୍ ଚିହ୍ନଟ ହୋଇଛନ୍ତି । ଜନସାଧାରଣ ଭୟଭୀତ ହୁଅନ୍ତୁ ନାହିଁ ବୋଲି କହିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ।
