-
ଅନ୍ୟ ଜଣେ ଯୁବତୀଙ୍କ ସହ ଥିଲା ପ୍ରେମ ସମ୍ପର୍କ , ଧରାପଡିବା ପରେ ଦୂରେଇ ଯାଇଥିଲେ ବାନ୍ଧବୀ
ଭୁବନେଶ୍ୱର , ଡିଜେ ଆଜେକ୍ସଙ୍କ ଆତ୍ମହତ୍ୟା ଘଟଣା ରେ ନୁଆ ଟୁଇଷ୍ଟ ଆସିଛି । ଆଜେକ୍ସ ଓରଫ୍ ଅକ୍ଷୟଙ୍କର ଆଉ ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ରହିଥିବା ଜଣାପଡିଛି । ଗତକାଲି ଜେରା ବେଳେ ଆଜେକ୍ସଙ୍କ ବାନ୍ଧବୀ ପୋଲିସ୍ କୁ ଏହି ସୂଚନା ଦେଇଛନ୍ତି ।
ଆଜେକ୍ସ ବାନ୍ଧବୀ ଜିଜ୍ଞାସାଙ୍କୁ ଭଲ ପାଉଥିବା ବେଳେ ସମାନ ସମୟରେ ଆଉ ଜଣେ ଯୁବତୀଙ୍କ ଶହ ସମ୍ପର୍କରେ ଥିଲେ । ଆଜେକ୍ସଙ୍କ ମୃତ୍ୟୁର ୩ ଦିନ ପୂର୍ବରୁ ଆଜେକ୍ସଙ୍କ ସହ ଜିଙ୍ଗସା ଓ ଅନ୍ୟ ଜଣେ ଯୁବତୀ ସାମ୍ନା ସାମନି ହୋଇଥିଲେ । ଆଜେକ୍ସଙ୍କୁ ଫୋନ କନଫରେନ୍ସରେ ନେଇ ଦୁଇ ଦୁଇଟି ପ୍ରେମ ସମ୍ପର୍କର ଖୁଲାସା କରିଥିଲେ ଏହି ଦୁଇ ପ୍ରେମିକା । ଏଇଠୁ ଆରମ୍ଭ ହୋଇଥିଲା ପ୍ରେମ ସମ୍ପର୍କରେ ଫାଟ । ଆଜେକ୍ସ କରିଥିବା ଭୁଲର ପ୍ରତିବାଦରେ ଆଜେକ୍ସ ଠୁ ଦୁରେଇ ଯାଇ ନିଜ ପୁରୁଣା ପ୍ରେମିକ ରଶ୍ମିଙ୍କ ସହ ମିଳାମିଶା କରିଥିଲେ ଜିଜ୍ଞାସା । ଯାହାକୁ ସହି ପାରିନଥିଲେ ଆଜେକ୍ସ ।
ଗତକାଲି ଜିଜ୍ଞାସାଙ୍କୁ ପଚରା ଉଚରା କରିବା ବେଳେ ଏହି ତଥ୍ୟ ପାଇଛି । ଅନ୍ୟପଟେ ଜିଂଜ୍ଞାସା ଦେଇଥିବା ତଥ୍ୟ ଆଧାରରେ ପୋଲିସ ପାଖରେ ଥିବା ଡିଜିଟାଲ ତଥ୍ୟ ସହିତ ମେଳ କରି ତଦନ୍ତ ଆଗେଇଛି ପୋଲିସ ।
ଦରକାର ପଡିଲେ ପୁଣିଥରେ ଏହି ତଥ୍ୟକୁ ନେଇ ଜିଜ୍ଞାସା, ଆଜେକ୍ସଙ୍କର ପରିବାର ଲୋକେ ଓ ଅନ୍ୟ ଜଣେ ପ୍ରେମିକାଙ୍କୁ ପଚରା ଉଚରା କରିବ ପୋଲିସ ।
