ଭୁବନେଶ୍ୱର, କଳାଧନ ସମ୍ପର୍କିତ ଏସଆଇଟିର ଗୁରୁତ୍ୱପୂର୍ଣ୍ଣ ବୈଠକ କଟକରେ ଆରମ୍ଭ ହୋଇଛି । ଏସଆଇଟି ଉପାଧ୍ୟକ୍ଷ ଜଷ୍ଟିସ ଅରିଜିତ ପଶାୟତଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଛି । ବହୁ ଚର୍ଚ୍ଚିତ ଲେଡି ବ୍ଲାକ ମେଲର ଅର୍ଚ୍ଚନା ନାଗର କଳାଧନ, ଜିଏସଟି ଠକେଇ, ଡ୍ରଗ୍ସ ଓ ଗଞ୍ଜେଇ କାରବାର, ଉପ ନିର୍ବାଚନ ସମୟରେ ହୋଇଥିବା ଜିଏସଟି ଓ ଆୟକର ରେଡ୍ ଭଳି ଗୁରୁତ୍ୱପୂର୍ଣ୍ଣ ବିଷୟରେ ବୈଠକରେ ଆଲୋଚନା ଚାଲିଥିବା ସୂଚନା ମିଳିଛି । ଏହି ବୈଠକରେ ଇଡି ନିର୍ଦେଶକ, ଆଇଟି, ସିବିଆଇ, ଏକ୍ସସାଇଜ, କଷ୍ଟମ, ଓଡ଼ିଶା ପୋଲିସର ବରିଷ୍ଠ ଅଧିକାରୀ, ଖଣି ସଚିବ, କ୍ରାଇମବ୍ରାଂଚ, ସିଟି ଜିଏସଟି ଓ ଭିଜିଲାନ୍ସ ନିର୍ଦ୍ଦେଶକଙ୍କ ସମେତ ଅନେକ ବରିଷ୍ଠ ଅଧିକାରୀ ଯୋଗ ଦେଇଛନ୍ତି ।
