ଜଗତସିଂହପୁର/ଭୁବନେଶ୍ୱର, ଦୁଇବର୍ଷ ତଳେ କଟକ ଜିଲ୍ଲା ନିଆଳି ଅଂଚଳରେ ମେଣ୍ଢା ଆକ୍ରମଣ ଘଟଣାର ପୁନରାବୃତି ଜଗତସିଂହପୁର ଜିଲ୍ଲା ବିରିଡି ବ୍ଳକରେ ଦେଖିବାକୁ ମିଳିଛି । ଜଗତସିଂହପୁର ଜିଲ୍ଲା ବିରିଡି ବ୍ଲକ ମଙ୍ଗୁଳି ପଂଚାୟତର ଶଙ୍ଖାରି ସାହିଠାରେ ଅଜଣା ଜନ୍ତୁ ଆତଙ୍କ । ଶଙ୍ଖାରି ସାହି ଗ୍ରାମର ପ୍ରଫୁଲ୍ଲ ବାରିକଙ୍କ ଗୁହାଳରେ ଗତ ରାତିରେ ୯ ଟି ମେଣ୍ଢାଙ୍କ ମୃତ୍ୟୁ ହୋଇଛି । ଏଥିନେଇ ସ୍ଥାନୀୟ ଅଂଚଳରେ ପଶୁପାଳନ କରିଥିବା ଲୋକମାନଙ୍କ ମଧ୍ୟରେ ଆତଙ୍କ ଖେଳିଯାଇଛି । ଗତ ଦୁଇଦିନ ତଳେ କଟକ ଜିଲ୍ଲା ନିଆଳିଠାରେ ମଧ୍ୟ ଅଜଣା ଜନ୍ତୁ ଆକ୍ରମଣରେ ମେଣ୍ଢାର ମୃତ୍ୟୁ ହୋଇଥିଲା । ପୁର୍ନବାର ଏହି ଘଟଣା ଶଙ୍ଖାରିସାହିଠାରେ ଘଟିବା ଦ୍ୱାରା ସ୍ଥାନୀୟ ଅଂଚଳରେ ଚାଂଚଲ୍ୟ ସୃଷ୍ଟି କରିଛି । ସ୍ଥାନୀୟ ସରପଂଚ ନିରଞ୍ଜନ ସେଠି ଘଟଣାସ୍ଥଳରେ ପହଂଚି ଜଙ୍ଗଲ ବିଭାଗ ଓ ପ୍ରାଣୀ ସମ୍ପଦ ବିଭାଗକୁ ଅବଗତ କରିଛନ୍ତି । ଘଟଣାସ୍ଥଳରେ ପ୍ରାଣୀସମ୍ପଦ ବିଭାଗ ଘଟଣା ସମ୍ପର୍କରେ ଅନୁଧ୍ୟାନ କରୁଛନ୍ତି ।
