ମାଲକାନଗିରି, ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଳକ ସ୍ଵାଭିମାନ ଅଞ୍ଚଳରୁ ବିଏସଏଫ ଯବାନ ମାନେ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିଛନ୍ତି। ମିଳିଥିବା ସୂଚନା ଅନୁଯାୟୀ, ସ୍ଵାଭିମାନ ଅଞ୍ଚଳରେ ମାଓ ମୁକାବିଲା ପାଇଁ ମୁତୟନ ହୋଇଥିବା ୧୭୭ ବାଟାଲିଆନ ବିଏସଏଫ ଯବାନ ମାନେ ଯୋଡାମ୍ବ ଥାନା ଅନ୍ତର୍ଗତ ଯନ୍ତ୍ରୀ ପଞ୍ଚାୟତ ଅର୍ଲିଙ୍ଗପଡା ଅଞ୍ଚଳକୁ ସର୍ଚ ଅପରେସନରେ ଯାଇଥିବା ବେଳେ ମାଟିତଳେ ଏକ ମାଓ ଡମ୍ପଥିବା ଦେଖିବାକୁ ପାଇଥିଲେ। ଅତି ସତର୍କତାର ସହ ମାଟି ତଳୁ ଡମ୍ପ କୁ ଉଦ୍ଧାର କରିଥିଲେ। ଉକ୍ତ ଡମ୍ପ ରୁ ଯବାନ ମାନେ ୭ଟି ଜିଲୋଟିନ ଷ୍ଟିକ, ୧୪ଟି ଡିଟୋନେଟର, ୨୦ ମିଟରର ୪ ବଣ୍ଡଲ କୋଡେକ୍ସ ତାର, ୬ଟି ବ୍ୟାଟେରୀ, ୨୫ ମିଟର ଫ୍ଲେକ୍ସଵେଲ ତାର, ଛତା କପଡା, ଖାଲି ଟିଫିନ ଜବତ କରିଛନ୍ତି।
