ଭୁବନେଶ୍ୱର – ରାଷ୍ଟ୍ରପତି ରାମନାଥ କୋବିନ୍ଦ ଓଡ଼ିଶାରେ ଥିବା ନିଜର ରାଜନୈତିକ ପୁରୁଣା ବନ୍ଧୁ ପୂର୍ବତନ ରାଜ୍ୟସଭା ସାଂସଦ ବୀରଭଦ୍ର ସିଂଙ୍କୁ ଭୁଲି ନଥିଲେ । ଉକ୍ରଳ ବିଶ୍ୱ ବିଦ୍ୟାଳୟର ପ୍ଲାଟିନମ୍ ଜୁବୁଲିର ଉଦଯାପନୀ ସମାରୋହରେ ମୁଖ୍ୟ ଅତିଥି ଭାବେ ଯୋଗଦେଇଥିବା ଶ୍ରୀ କୋବିନ୍ଦ ଦୀର୍ଘ ୧୨ ବର୍ଷର ପୁରୁଣା ବନ୍ଧୁଙ୍କୁ ସଭାସ୍ଥଳରେ ମନେ ପକେଇବା ସହ ଖୋଜିଥିଲେ । ଶେଷରେ ତାଙ୍କୁ ପାଇ ବହୁତ ଖୁସି ହୋଇ ପରସ୍ପର ଆଲିଙ୍ଗନ କରିଥିଲେ । ରାଷ୍ଟ୍ରପତି ଭବନକୁ ଆସିବା ପାଇଁ ତାଙ୍କୁ ନିମନ୍ତ୍ରଣ କରିଥିଲେ ଏବଂ ତାଙ୍କ ସହ ଫଟୋ ମଧ୍ୟ ଉଠାଇଥିଲେ । ଏହି ନିମନ୍ତ୍ରଣ ରକ୍ଷା କରି ରାଷ୍ଟ୍ରପତି ଭବନକୁ ନିଶ୍ଚୟ ଯିବେ ବୋଲି ଶ୍ରୀ ସିଂ କହିଥିଲେ । ୨୦୦୧ରୁ ୨୦୦୬ ପର୍ଯ୍ୟନ୍ତ ରାମନାଥ କୋବିନ୍ଦ ଏବଂ ବୀରଭଦ୍ର ସିଂହ ରାଜ୍ୟ ସଭାରେ ସାଂସଦ ଥିଲେ । ୨୦୧୭ରେ ଶ୍ରୀ କୋବିନ୍ଦ ଦେଶର ରାଷ୍ଟ୍ରପତି ହୋଇଥିଲେ । ୧୯୬୫ ରୁ ୬୭ ଯାଏ ଉକ୍ରଳ ବିଶ୍ୱ ବିଦ୍ୟାଳୟରେ ପୂର୍ବତନ ସାଂସଦ ଶ୍ରୀ ସିଂ ଅଧ୍ୟୟନ କରୁଥିଲେ । ଆଜି ପୁରାତନ ଛାତ୍ରଭାବେ ଶ୍ରୀ ସିଂ ବିଶ୍ୱ ବିଦ୍ୟାଳୟର କାର୍ଯ୍ୟକ୍ରମରେ ଯୋଗଦେବାକୁ ଆସିଥିଲେ ।
