କଟକ, ଆଜି ପୂର୍ବାହ୍ନରେ କଟକ ଯୋବ୍ରା ନୂଆସାହିରେ ଏକ ଦୁଇ ମହଲା ବିଶିଷ୍ଟ କୋଠାରେ ଘଟିଛି ଅଗ୍ନିକାଣ୍ଡ । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଛି । ପ୍ରଥମେ ଚାଉଳିଆଗଞ୍ଜ ଓ ପରେ ବକ୍ସିବଜାର ଦମକଳ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଛି । ଘର ଗୁଡିକ ଲାଗି ଲାଗି ରହିଥିବାରୁ ଅନ୍ୟ ଘରକୁ କିପରି ନିଆଁ ନ ବ୍ୟାପିବ ସେନେଇ ପ୍ରଚେଷ୍ଟା କରିଥିଲା ଅଗ୍ନିଶମ ବାହିନୀ । ଅଗ୍ନିକାଣ୍ଡରେ ଘରେ ଥିବା ବ୍ୟାପକ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି । ଠାକୁର ଘର ଦୀପରୁ ନିଆଁ ଲାଗିଥିବା କୁହାଯାଉଛି ।
