ବଲାଙ୍ଗିର,ଆସନ୍ତା ୧୧ ଓ ୧୨ ଦୁଇଦିନ ଧରି ପୁରୀର ରେଲୱେ କଲ୍ୟାଣ ମଣ୍ଡପ ଠାରେ ୩୪ ତମ ଓଡିଶା ଷ୍ଟେଟ ସବଜୁନିୟର ଖୀରୋଗୀ (ଫାଇଟ) ଓ ଷଷ୍ଠ ପୁମସେଇ ଏବଂ ଷଷ୍ଠ କେଡେଟ ଖୀରୋଗୀ ଓ ପୁମସେଇ ପ୍ରତିଯୋଗିତା ଅନୁଷ୍ଠିତ ହେବାକୁ ଯାଉଛି । ବଲାଙ୍ଗିର ଜିଲ୍ଲା ଟାଇକଣ୍ଡୋ ସଂଘ ତରଫରୁ ଟାଇକଣ୍ଡୋ କୋଚ ତଥା ସାଧାରଣ ସଂପାଦକ ଅସୀମ କୁମାର ଭୋଇଙ୍କ ନେତୃତ୍ଵରେ ଏକ ପାଞ୍ଚ ଜଣିଆ ଦଳ ଏଥିରେ ଭାଗ ନେବା ପାଇଁ ପୁରୀ ଅଭିମୁଖେ ଆଜି ଯାତ୍ରା କରିଛନ୍ତି ।
ଏଥିରେ ସବ୍ ଜୁନିୟର ବାଳିକା ବିଭାଗରେ ସମିକ୍ଷା ସମୃଦ୍ଧି ଷଡଙ୍ଗୀ, ସୋନାକ୍ଷୀ ସନ୍ଧ୍ୟା ଭୋଇ ଓ ସାନଭି ପ୍ରଧାନ ଖୀରୋଗୀ (ଫାଇଟ) ଓ ପୁମସେଇ ବିଭାଗରେ ଭାଇ ନେଉଥିବା ବେଳେ ସବ୍ ଜୁନିୟର ବାଳକ ବିଭାଗରେ ଶ୍ରେୟାଂସ କୁମାର ସିଂ ଭଞ୍ଜ ଓ ଶୁଭମ୍ ମେହେର ଖୀରୋଗୀ ( ଫାଇଟ) ଓ ପୁମସେଇ ବିଭାଗରେ ଭାଗ ନେବେ ବୋଲି ଗଣମାଧ୍ୟମକୁ ସୂଚନା ଦିଆଯାଇଛି ।
