ଭୁବନେଶ୍ୱର , ଭୁବନେଶ୍ୱର ଫରେନ୍ସିକ ଲ୍ୟାବରେ ପହଂଚିଛି ପାରାଦୀପରୁ ଧରା ପଡ଼ିଥିବା ସନ୍ଦିଗ୍ଧ ପାରା । କଟକ କ୍ରାଇମବ୍ରାଂଚ ପିଜିଅନ ସର୍ଭିସର ଏକ ଟିମ୍ ମଧ୍ୟ ଭୁବନେଶ୍ୱର ଫରେନ୍ସିକ ଲ୍ୟାବକୁ ଆଣିଛନ୍ତି । ପାରା ଶରୀରରେ ଲାଗିଥିବା ଚିପ, କ୍ୟାମେରା, ଚିଠି ଜବତ କରିବା ପରେ ପିଜିଅନ ସର୍ଭିସକୁ ପାରା ହସ୍ତାନ୍ତର କରାଯିବ ।
ସୂଚନାଯୋଗ୍ୟ, ସମୁଦ୍ର ମଧ୍ୟକୁ ଯାଇଥିବା ସାରଥୀ ନାମକ ଏକ ବୋଟ୍ ଯାଇଥିବା ବେଳେ କୋଣାର୍କ ପାଖରୁ ପ୍ରାୟ ୪୩ ନର୍ଟିକାଲ୍ ମାଇଲ୍ ଦୂରରେ ଲଙ୍ଗର ପକେଇ ଥିଲା । ଏହି ସମୟରେ ଏହି ପାରା ଉଡି ଆସି ବୋଟରେ ବସିଥିଲା । ପାରାର ସାଜସଜ୍ଜା ସାମଗ୍ରୀ ଦେଖି ବୋଟ୍ କର୍ମଚାରୀଙ୍କ ସନ୍ଦେହ ହେବାରୁ ସେ ମାଲିକଙ୍କୁ ଜଣାଇଥିଲେ । ବୋଟର ମାଲିକଙ୍କ ପରାମର୍ଶରେ ଉକ୍ତ ପାରାକୁ ଧରି ପାରାଦୀପ ଆଣିଥିେ । ଏନେଇ ପାରାଦୀପ ସାମୁଦ୍ରିକ ଥାନାରେ ଖବର ଦେବା ପରେ ପୁଲିସ ପାରାଦୀପ ସ୍ଥିତ ଫିସିଙ୍ଗ୍ ହାରବରରେ ପହଂଚି ଉକ୍ତ ପାରାକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଥିଲା ।
