ଧର୍ମଶାଳା,ଯାଜପୁର ଜିଲ୍ଲା ପୋଲିସକୁ ସଫଳତା । ୮୪କେଜି ଗଞ୍ଜେଇ ସହ ୩ ଅଭିଯୁକ୍ତ ଗିରଫ । ୩ଲକ୍ଷ ୩୬ ହଜାର ଟଙ୍କା ଏହି ଗଞେଇର ମୂଲ୍ୟ ହେବ ବୋଲି ଜଣାପଡିଛି । ଅଭିଯୁକ୍ତ ମାନେ ଯାଜପୁର ଜିଲ୍ଲାର ୨ଜଣ ଓ ଜଣେ ମାଲକାନାଗିରି ଜିଲା ବୋଲି ଜଣାପଡିଛି । ସେମାନଙ୍କ ନିକଟରୁ ଏହି ଗଞ୍ଜେଇ ସହ ଗୋଟିଏ ବାଇକ ଓ ୪ଟି ମୋବାଇଲ୍ ଜବତ କରାଯାଇଛି । ଅଭିଯୁକ୍ତ ମାନେ ହେଲେ ଯାଜପୁର ଜିଲ୍ଲା ବୈରୀ ଥାନା ଅନ୍ତର୍ଗତ ସାଇଲିପଡା ଗ୍ରାମର ଗୋବିନ୍ଦ ବିଶୋଇ (୪୫), ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ଏମପିଭି ୩୭ଗ୍ରାମର ଉଦୟ ଶଙ୍କର ବିଶ୍ୱାସ ଓ ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ଅନ୍ତର୍ଗତ ରାଧାଦେଇପୂର୍ ଗ୍ରାମର ମଧୁସୂଦନ ଗନ୍ତାୟତ ବୋଲି ଜଣାପଡିଛି । ଏବଂ ଏହି ଘଟଣାର ତଦନ୍ତ ଜାରି ରହିଛି । ଏନେଇ ଆଜି ଅପରାହ୍ନରେ ଯାଜପୁର ରୋଡ ଏସଡିପିଓ ସଞ୍ଜୟ କୁମାର ପଟ୍ଟନାୟକ ଏକ ସାମ୍ୱାଦିକ ସମ୍ମିଳନୀରେ ସୂଚନା ଦେଇଥିଲେ । ସୁଚନା ମୁତାବକ ଏକ ବିଶ୍ଵସ୍ଥ ସୂତ୍ରରୁ ଯାଜପୁର ଆରକ୍ଷୀ ଅଧିକ୍ଷକ ଭିନିତ୍ ଅଗରୱାଲ୍ ଯାଜପୁର ଜିଲା ବୈରି ଥାନା ଅଞ୍ଚଳ କୋଲାସାଇ ନିକଟସ୍ଥ କାଜୁ ଜଙ୍ଗଲ ନିକଟରେ ଗଞ୍ଜେଇ ଚାଲାଣ ହେଉଛି ବୋଲି ଖବର ପାଇ ଚଢ଼ାଉ ପାଇଁ ବଡ଼ଚଣା ପୋଲିସ ଓ ସ୍ପେଶାଲ ସ୍କ୍ୱାଡକୁ ନିର୍ଦ୍ଦେଶ ଦେଇଥିଲେ । ଆଜି ଭୋର୍ ୪.୩୦ ମିନିଟ ସମୟରେ କାଜୁ ଜଙ୍ଗଲ ନିକଟରେ ଗଞ୍ଜେଇ ଭର୍ତି ବ୍ୟାଗ ସହ ଅଭିଯୁକ୍ତ ମାନଙ୍କୁ ଗିରଫ କରି ଥାନାରେ ଅଟକ ରଖି ପଚରାଉଚରା କରିଥିଲା । ଥାନାରେ କେସ ନ ୬୦/୨୩ରେ ଏକ ମାମଲା ରୁଜ୍ଜୁ କରିଥିଲା। ଆଜି ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ଏସଡିପିଓ ସୁଚନା ଦେଇଛନ୍ତି ।
