ଗଞ୍ଜାମ, ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ଡେଙ୍ଗାଡ଼ି ଗ୍ରାମରେ ଘଟିଯାଇଛି ଅଭାବନୀୟ ଘଟଣା । ଘର ଭିତରୁ ପତ୍ନୀ ଶୈଳେନ୍ଦ୍ରୀ ମହାନ୍ତିଙ୍କ ମୃତଦେହ ସହିତ ସ୍ଵାମୀ ଜୟସେନ ମହାନ୍ତିଙ୍କୁ ସଙ୍କଟାପନ୍ନ ଅବସ୍ଥାରେ ଉଦ୍ଧାର କରିଛି ପୋଲିସ । ତାଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତି କରାଯାଇଛି । ତେବେ ଘର ଭିତରେ ରକ୍ତ ଛିଟା ପଡିଥିବାରୁ ଶୈଳେନ୍ଦ୍ରୀଙ୍କ ମୃତ୍ୟୁ କିପରି ଘଟିଛି, ଏହା ହତ୍ୟା ନା ଆତ୍ମହତ୍ୟା ତାକୁ ନେଇ ବଢିଛି ସନ୍ଦେହ । ସେହିପରି ଶୈଳେନ୍ଦ୍ରୀଙ୍କ ଶରୀରରେ ବିଭିନ୍ନ ସ୍ଥାନରେ ଆକ୍ରମଣର ଦାଗ ଦେଖିବାକୁ ମିଳିଛି । ଅନ୍ ଲାଇନ୍ ଗେମ୍ ପାଇଁ ଦମ୍ପତି ଏଭଳି ଚରମ ପଦକ୍ଷେପ ନେଇଥିବା ସନ୍ଦେହ କରାଯାଉଛି ।
ଉଭୟ ସ୍ଵାମୀ ସ୍ତ୍ରୀ ପେଷାରେ ଶିକ୍ଷକ ଶିକ୍ଷୟତ୍ରୀ ବୋଲି ଜଣାପଡିଛି । ଗତ ଦୁଇ ବର୍ଷ ତଳେ ସେମାନଙ୍କର ବିବାହ ହୋଇଥିଲା । ମୃତ ମହିଳାଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ଏନେଇ ଅଧିକ ତଦନ୍ତ ଜାରୀ ରଖିଛି ପାଟପୁର ପୋଲିସ ।
