ମାଲକାନଗିରି, ମାଲକାନଗିରି ଜିଲ୍ଲା ଚିତ୍ରକୋଣ୍ଡା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ୧୯୯୭ ମାଟ୍ରିକ ବ୍ୟାଚ ଛାତ୍ର ଛାତ୍ରୀଙ୍କ ବନ୍ଧୁ ମିଳନ କାର୍ଯ୍ୟକ୍ରମ ସୁଦୂର ଅନୁଗୁଳ ଜିଲ୍ଲା ଜରାସିଂହ ସ୍ଥିତ ପ୍ରଧାନ ଫାର୍ମ ହାଉସ ଠାରେ ଗତକାଲି ଅନୁଷ୍ଠିତ ହୋଇଯାଇଛି. ଏହି ବନ୍ଧୁ ମିଳନ କାର୍ଯ୍ୟକ୍ରମରେ ରାମକୃଷ୍ଣ ଦାଶ, ସୁବାଷ ସିଂ, ସୁବ୍ରତ ବେହେରା, ଆଶିଷ ଦେଓ, ଶିବବ୍ରତ ଦାଶ, ଚଞ୍ଚଳା ମହାରଣା, ମିନି ବେହେରା, ମଧୁସ୍ମିତା ପଣ୍ଡା, କବିତା ପ୍ରଧାନ, ସସ୍ମିତା ମଲ୍ଲିକ ପ୍ରମୁଖ ସପରିବାରେ ଯୋଗ ଦେଇଥିଲେ।
ପ୍ରଥମେ ଦିବମଗତ ଶିକ୍ଷକ ଓ ସହପାଠୀଙ୍କ ସ୍ମୃତି ଉଦ୍ଦେଶ୍ୟରେ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା। ପରେ ଛୋଟ ପିଲାଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା କରାଯାଇଥିଲା। ଏହି ଅବସରରେ ପରସ୍ପର ମଧ୍ୟରେ ଭାବ ବିନିମୟ ହେବା ସହ ପିଲାଦିନର ସ୍ମୃତି ସାଉଁଟିଥିଲେ। ଆଗାମୀ ବର୍ଷ ବନ୍ଧୁ ମିଳନ କାର୍ଯ୍ୟକ୍ରମ ଚିତ୍ରକୋଣ୍ଡା ଠାରେ କରିବା ପାଇଁ ସ୍ଥିର କରାଯାଇଛି। ପରେ ସମସ୍ତେ ଅନୁଗୁଳ ସହରର ବିଭିନ୍ନ ସ୍ଥାନ ପରିଦର୍ଶନ କରିଥିଲେ।
