ପୁରୀ, ଶେଷ ଯାତ୍ରାରେ ଲୋକପ୍ରିୟ ଅଭିନେତା ପିଂଟୁ ନନ୍ଦ । ଆଜି ପୁରୀ ସ୍ଵର୍ଗଦ୍ଵାରରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ । ଏନେଇ ଭୁବନେଶ୍ଵରରୁ ପୁରୀ ଅଭିମୁଖେ ନିଆଯାଉଛି ତାଙ୍କ ପାର୍ଥିବ ଶରୀର ।
ଲିଭର ସିରୋସିସ୍ ରୋଗରେ ପୀଡ଼ିତ ହୋଇ ହାଇଦ୍ରାବାଦର ଯଶୋଦା ହସ୍ପିଟାଲରେ ଚିକିତ୍ସାଧିନ ଥିବା ୪୭ ବର୍ଷିୟ ଅଭିନେତା ପିଂଟୁଙ୍କ ବୁଧବାର ରାତିରେ ପରଲୋକ ଘଟିଥିଲା । ଗୁରୁବାର ରାତିରେ ତାଙ୍କ ମରଶରୀରକୁ ହାଇଦ୍ରାବାଦରୁ ବିମାନ ଯୋଗେ ଭୁବନେଶ୍ଵର କିମ୍ସକୁ ଅଣାଯାଇଥିଲା । ଏହାପରେ କଳାରାହାଙ୍ଗ ସ୍ଥିତ ତାଙ୍କ ବାସଭବନକୁ ନିଆଯାଇଥିଲା । ସେଠାରେ ଜ୍ଞାତି, ପରିବାର ବର୍ଗ, ସିନେ ଜଗତର ଅନେକ କଳାକାର ଓ ତାଙ୍କୁ ଭଲ ପାଉଥିବା ଲୋକ ମାନେ ତାଙ୍କର ଶେଷ ଦର୍ଶନ କରିଥିଲେ । ଏହାପରେ ଏକ ବିରାଟ ଶୋଭାଯାତ୍ରାରେ ତାଙ୍କ ମରଶରୀରକୁ ପୁରୀ ସ୍ଵର୍ଗଦ୍ଵାର ଅଭିମୁଖେ ନିଆଯାଉଛି ।
ଚଳଚ୍ଚିତ୍ର ଓ ଧାରାବାହିକରେ ପିଂଟୁଙ୍କ ନିଖୁଣ ଅଭିନୟ ତାଙ୍କୁ ଲୋକପ୍ରିୟତାର ଶୀର୍ଷରେ ପହଂଚାଇଥିଲା ।
