ନିଆରା ଢଙ୍ଗରେ ଗଣେଶ ପୂଜା

ଭୁବନେଶ୍ୱର – ଭୁବନେଶ୍ୱରସ୍ଥିତ ୟୁନିଟ୍-୩ ଖାରବେଳ ନଗରରେ ପ୍ରତିବର୍ଷ ଭଳି ଚଳିତ ବର୍ଷ ଏକ ନିଆରା ଢଙ୍ଗରେ ବିଦ୍ୟାଦାତା, ବିଘ୍ନ ବିନାଶନ ଗଣପତିଙ୍କ ପୂଜା ଅନୁଷ୍ଠିତ ହୋଇଯାଇଛି । ପ୍ଲାଷ୍ଟିକମୁକ୍ତ ସମାଜ ଓ ପରିବେଶ ସୁରକ୍ଷା ନିମନ୍ତେ ପୂଜା ମଣ୍ଡପର ଦୁଇ ପାଶ୍ୱର୍ରେ ବିଭିନ୍ନ ପ୍ରକାର ଗଛମାନ ସଜ୍ଜା ଯାଇଥିଲା । କମିଟିର ସଦସ୍ୟ ସୁରେନ୍ଦ୍ର ନନ୍ଦୀ, ସୁବାସ କୁମାର ତାରଣିଆଁ, ଅମୀୟ ବିଶ୍ୱାଳ, ଗୟା ବେହେରା, ନିମାଇଁ ଚରଣ ବାରିକ, ନେଭି ମହାନ୍ତିଙ୍କ ମିଳିତ ସହଯୋଗ ତଥା ସମାଜସେବୀ ପ୍ରକାଶ ରଥ ଓ ନିରଞ୍ଜନ ନାୟକଙ୍କ ପ୍ରତ୍ୟକ୍ଷ ତତ୍ୱାବଧାନରେ ଦୀର୍ଘ ୧୨ ବର୍ଷ ହେବ ଗଜାନନଙ୍କ ପୂଜା ଅନୁଷ୍ଠିତ ହୋଇଆସୁଛି । ସକାଳ ୧୦ ଘଟିକାରୁ ସମସ୍ତ ସଦସ୍ୟମାନଙ୍କ ଦ୍ୱାରା ପୂଜା ମଣ୍ଡପକୁ ସାଜ୍ଜସଜ୍ଜା କରାଯାଇଥିଲା ଏବଂ ଅପରାହ୍ନ ୫ ଘଟିକାରେ ପୂଜା ଆରମ୍ଭ ହେବା ମାତ୍ରେ ହୋମ, ମନ୍ତ୍ରପାଠ ସହିତ ଘଣ୍ଟ ନାଦରେ ପୂଜା ମଣ୍ଡପ ଉତ୍ସବ ମୁଖରିତ ହୋଇ ଉଠିଥିଲା । ପୂଜା ଶେଷରେ କମିଟିର ସଦସ୍ୟଙ୍କ ସମେତ ଉପସ୍ଥିତ ଥିବା ଶ୍ରଦ୍ଧାଳୁମାନେ ପୁଷ୍ପାଞ୍ଜଳି ଦେବା ସହିତ ପ୍ରସାଦ ବଂଟନ କରାଯାଇଥିଲା ଏବଂ ପରିବେଶ ସୁରକ୍ଷା ପାଇଁ ଗଛ ଲଗାଇବା ସହିତ ପ୍ଲାଷ୍ଟିକ ଦ୍ରବ୍ୟ ବ୍ୟବହାର ନକରିବାକୁ ଜନସାଧାରଣଙ୍କୁ ସଚେତନ କରାଯାଇଥିଲା । ଆଗାମୀ ବର୍ଷକୁ ପୁଣି ଏକ ନିଆରା ଢଙ୍ଗରେ ବିଘ୍ନ ବିନାଶନଙ୍କ ପୂଜା ପାଳିତ ହେବ ବୋଲି କମିଟିର ସମସ୍ତ ସଦସ୍ୟମାନେ ନିଷ୍ପତି ନେଇଥିଲେ ।