ଭୁବନେଶ୍ୱର, ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସଙ୍କ ହତ୍ୟାକାଣ୍ଡର ସିବିଆଇ ତଦନ୍ତ ଦାବି ତଥା ରାଜ୍ୟର ବିପର୍ଯ୍ୟସ୍ତ ଆଇନ ଶୃଙ୍ଖଳା ପ୍ରତିବାଦରେ ବିଜେପି ଯୁବମୋର୍ଚ୍ଚା ଗତକାଲି ବିଧାନସଭା ଘେରାଉ କାର୍ଯ୍ୟକ୍ରମ ସମ୍ପୂର୍ଣ୍ଣ ଶାନ୍ତିପୂର୍ଣ୍ଣ ଥିଲା । ଗଣତନ୍ତ୍ରରେ ପ୍ରତିବାଦ କରିବାର ସମସ୍ତଙ୍କର ଅଧିକାର ଅଛି, ଭାରତୀୟ ଜନତା ପାର୍ଟିର ମଧ୍ୟ ଅଛି । ଯଦି ବିଜୁ ଜନତା ଦଳ ସରକାର ଓ ପୋଲିସ ଅଧିକାରୀ ଭାବୁଥାନ୍ତି ସେମାନଙ୍କ ବିରୋଧରେ ଯିଏ ଆନ୍ଦୋଳନ ଓ ପ୍ରତିବାଦ କରିବ ସେମାନଙ୍କୁ ପୋଲିସ ଓ ବିଜେଡି ଗୁଣ୍ଡାଲଗାଇ ଆକ୍ରମଣ କରିବାଠୁ ଦୁଃଖର କଥା କିଛିନୁହେଁ ବୋଲି ରାଜ୍ୟ ସଭାପତି ସମୀର ମହାନ୍ତି କହିଛନ୍ତି ।
ଆଜି ରାଜ୍ୟ କାର୍ଯ୍ୟାଳୟରେ ସାମ୍ବାଦିକ ସମ୍ମିଳନୀ କରି ଶ୍ରୀ ମହାନ୍ତି କହିଛନ୍ତି ଯେ, ଗତକାଲି ଗଣମାଧ୍ୟମରେ ଆନ୍ଦୋଳନ ଭିଡିଓ ପ୍ରସାରଣ ହେଉଛି ସେଥିରେ ଧଳାସାର୍ଟ ପିନ୍ଧା କିଛି ଯୁବକ ମିଳିତ ଆକ୍ରମଣ କରୁଥିଲେ । ସେ ଯୁବକ କିଏ, ସେମାନେ ବିଜୁ ଜନତା ଦଳର ଗୁଣ୍ଡା ନୁହନ୍ତି ତ? ବିଜେଡି ଗୁଣ୍ଡା ପ୍ରଥମେ ପୋଲିସ ଉପରକୁ ପଥର ଫିଙ୍ଗିଲେ ଓ ପୋଲିସ ଲାଠି ଚାର୍ଜ କଲା । ଏହାପରେ ବିଜେଡି ଗୁଣ୍ଡା ପୁଣି ବିଜେପି ଯୁବମୋର୍ଚ୍ଚା କାର୍ଯ୍ୟକର୍ତାଙ୍କୁ ଆକ୍ରମଣ କଲେ । ଗତକାଲି କ୍ୟାପିଟାଲ ଥାନାରେ ଭାରତୀୟ ଜନତା ଯୁବମୋର୍ଚ୍ଚାର ରାଷ୍ଟ୍ରୀୟ ଉପସଭାନେତ୍ରୀ ଅର୍ପିତା ବଡଜେନାଙ୍କ ନେତୃତ୍ୱରେ ଏକ ଏଫଆଇଆର ଦିଆଗଲା । କିନ୍ତୁ ରାତି ୩ଟା ପର୍ଯ୍ୟନ୍ତ ଏଫଆଇଆର ପଞ୍ଜୀକୃତ ହେଲା ନାହିଁ । କ୍ୟାପିଟାଲ ଥାନାରେ ପୂର୍ବତନ ମନ୍ତ୍ରୀ ମନମୋହନ ସାମଲ ଯାଇଥିଲେ ବି ବର୍ତମାନ ପର୍ଯ୍ୟନ୍ତ ମାମଲା ପଞ୍ଜୀକୃତ ହୋଇନାହିଁ ।
ମୁଖ୍ୟମନ୍ତ୍ରୀ ସର୍ବଦା କୁହନ୍ତି ଆଇନ ତାବାଟରେ ଯାଉଛି । କିନ୍ତୁ ଗତକାଲିର ଘଟଣାରୁ ଜଣାପଡୁଛି ଆଇନ କେତେ କାର୍ଯ୍ୟକାରି ହେଉଛି । ପୋଲିସ କର୍ମଚାରୀ ଭାରତୀୟ ଜନତାପାର୍ଟିର କାର୍ଯ୍ୟକର୍ତାଙ୍କୁ ଅମାନୁଷିକଭାବେ ମାଡ ମାରିଲେ, ମହିଳା କର୍ମକର୍ତାଙ୍କୁ ଅସଦାଚରଣ କରିଲେ । ଏମାନେ କଣ ଆଇନର ଉର୍ଦ୍ଧ୍ୱରେ କି ବୋଲି ଶ୍ରୀ ମହାନ୍ତି ପ୍ରଶ୍ନ କରିଛନ୍ତି । ଯୁବମୋର୍ଚ୍ଚାର ସଭାପତି ସମେତ ୨୨ଜଣ କାର୍ଯ୍ୟକର୍ତା ଓ ସମସ୍ତ ପଦାଧିକାରୀଙ୍କୁ ରାତି ସାଢ଼େ ୧ଟାରେ ଫରୱାର୍ଡ କରିଲେ । ଯୁବମୋର୍ଚ୍ଚା କିଛି କାର୍ଯ୍ୟକର୍ତା ଆନ୍ଦୋଳନରେ ସାମିଲ ନଥାଇ ମଧ୍ୟ ଜେଲ୍ ଗଲେ ।
ଶାନ୍ତିପୂର୍ଣ୍ଣ ଗଣତାନ୍ତ୍ରିକ ବ୍ୟବସ୍ଥାରେ ପୂର୍ବରୁ ସୂଚନା ଓ ଆଲୋଚନା କରି ବିଧାନସଭା ଘେରାଉ ଚାଲିଥିବାବେଳେ ପ୍ରାୟୋଜିତ ବ୍ୟକ୍ତି ବା ଧଳା ସାର୍ଟ ପିନ୍ଧା ବ୍ୟକ୍ତି ଗଣ୍ଡଗୋଳ କଲେ ଏବଂ ସେଥିରେ କିଛି ମୁଷ୍ଟିମେୟ ପୋଲିସ ଅଧିକାରୀ ସରକାରଙ୍କ ପ୍ରତି ଆନୁଗତ୍ୟ ପ୍ରକାଶ କରିବା ପାଇଁ ଗଣ୍ଡଗୋଳକୁ ବର୍ବରଚିତ ଆକ୍ରମଣ କଲେ । ଏହାପରେ ଆହତ କାର୍ଯ୍ୟକର୍ତାଙ୍କୁ କ୍ୟାପିଟେଲ ହସ୍ପିଟାଲରେ ଭର୍ତି କରାଗଲା । ଆମେ ଦେଖିଥିଲେ ଯେ, ବିଜେପି କାର୍ଯ୍ୟକର୍ତାଙ୍କୁ ବେଡ ନଦେଇ ଷ୍ଟେଚରରେ ରଖାଯାଇଥିଲା । ଅପରପକ୍ଷେ ପୋଲିସ କର୍ମଚାରୀ ଏସିରୁମ୍ ଭିତରେ ଶୋଇବା ସହ ଉତମ ଖାଦ୍ୟ ଦିଆଯାଉଛି ।
ଗଣମାଧ୍ୟମରେ ଡିଜି ଓ ଭୁବନେଶ୍ୱର କମିଶନରେଟ୍ ପୋଲିସ ବିବୃତି ଶୁଣିଲେ ସ୍ପଷ୍ଟ ଜଣାପଡୁଛି ଏହା ପ୍ରାୟୋଜିତ ଥିଲା । ନବ ଦାସଙ୍କ ହତ୍ୟାର ସିବିଆର ତଦନ୍ତ ଦାବି କରିଛି ବିଜେପି ଏବଂ ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନ ଚାଲୁରହିବ ବୋଲି ଶ୍ରୀ ମହାନ୍ତି କହିଛନ୍ତି ।
ଆଜି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖପାତ୍ର ସତ୍ୟବ୍ରତ ପଣ୍ଡା, ଠାକୁର ରଞ୍ଜିତ ଦାସ, ବିରଂଚି ନାରାୟଣ ତ୍ରିପାଠୀ, ଶ୍ରୀମତୀ ସୋନାଲୀ ସାହୁ, ଯୁବମୋର୍ଚ୍ଚା ରାଷ୍ଟ୍ରୀୟ ଉପସଭାନେତ୍ରୀ ଅର୍ପିତା ଅପରାଜିତା ବଡଜେନା ପ୍ରମୁଖ ଉପସ୍ଥିତ ଥିଲେ ।
