ତାଳଚେର, ଘରୋଇ କୋଲ ପ୍ଲାଂଟ ବନ୍ଦକୁ ବିରୋଧ କରି ତାଳଚେରରେ ସପକ୍ଷବାଦୀଙ୍କ ପକ୍ଷରୁ ଆଜି ରେଳରୋକ କରାଯାଇଛି । ଘଂଟପଡା ନିକଟରେ ମାଲବାହୀ ଟ୍ରେନ୍ କୁ ଅଟକାଇଛନ୍ତି ଆନ୍ଦୋଳନକାରୀ । ରେଳରୋକ ଫଳରେ ତାଳଚେରରୁ କୋଇଲା ପରିବହନ ଠପ୍ ହୋଇଯାଇଛି । ସପକ୍ଷବାଦୀଙ୍କ ଦ୍ଵାରା ଅର୍ଥନୈତିକ ଅବରୋଧ ସହିତ ମଧ୍ୟାହ୍ନ ସୁଦ୍ଧା ଆନ୍ଦୋଳନ ଜାରୀ ରହିଛି ।
ଏଠାରେ ଉଲ୍ଲେଖଯୋଗ୍ୟ, ମାତ୍ରାଧିକ ପ୍ରଦୁଷଣ ଯୋଗୁଁ ଘରୋଇ କୋଲ ପ୍ଲାଂଟକୁ ପ୍ରଶାସନ ପକ୍ଷରୁ ବନ୍ଦ କରାଯାଇଛି । ଯାହାକୁ ବିରୋଧ କରି ହଜାର ହଜାର ସଂଖ୍ୟାରେ ସପକ୍ଷବାଦୀ ତଥା କମ୍ପାନୀରେ କାର୍ଯ୍ୟ କରୁଥିବା କର୍ମଚାରୀ ଓ ଶ୍ରମିକ ଆନ୍ଦୋଳନକୁ ଓହ୍ଲାଇଛନ୍ତି । ଯେହେତୁ ତିନି ଦିନ ହେଲା ଏନେଇ କୌଣସି ସମାଧାନର ବାଟ ବାହାରିପାରିଲା ନାହିଁ, ତେଣୁ ସେମାନେ ବାଧ୍ୟହୋଇ ଆଜି ରେଳରୋକ କରିଥିବା କହିଛନ୍ତି ଆନ୍ଦୋଳନକାରୀ । ଘରୋଇ କୋଲ ପ୍ଲାଂଟ ଗ୍ଲୋବାଲ କୋଲ ୱାସେରୀକୁ ଚାଲୁ ରଖିବାକୁ ସେମାନେ ଦାବି କରିଛନ୍ତି ।
