ବଲାଙ୍ଗିର, ଗତକାଲି ରାତି ପ୍ରାୟ ୧୦ଟା ସମୟରେ ଖପ୍ରାଖୋଲ ଥାନା ଅନ୍ତର୍ଗତ ବାଗଝରନ ଗ୍ରାମରେ ବରଯାତ୍ରୀ ମାନେ ବାଜୁଥିବା ଡିଜେ ମ୍ୟୁଜିକ୍ ର ତାଳେ ତାଳେ ନୃତ୍ୟରେ ମସଗୁଲ ଥିବା ବେଳେ ବର ପାଇଁ ଉଦ୍ଦିଷ୍ଟ ହୁଣ୍ଡାଇ କାର୍ ଭାରସାମ୍ୟ ହରାଇ ଆଗକୁ ମାଡି ଯାଇଥିଲା । ଫଳରେ ୧୧ ଜଣ ବରଯାତ୍ରୀ ଆହତ ହୋଇଥିଲେ । ଆହତ ମାନଙ୍କୁ ହସ୍ପିଟାଲକୁ ନେଇ ଚିକିତ୍ସା ବେଳେ ରାଜା ବରିହା ନାମକ ୪୫ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ହୋଇଯାଇଛି । ପାଟଣାଗଡ଼ ଉପଖଣ୍ଡ ମେଡିକାଲରେ ୩ ଜଣ ଓ ବଲାଙ୍ଗିର ଭୀମଭୋଇ ମେଡିକାଲ୍ କଲେଜ ହସ୍ପିଟାଲରେ ୨ ଜଣଙ୍କୁ ଚିକିତ୍ସା ପାଇଁ ଭର୍ତି କରାଯାଇଛି ।
ଘଟଣାରୁ ପ୍ରକାଶ ଯେ, ବାଗଝରଣ ଗ୍ରାମରୁ ବର ଯିବାକୁ କାର୍ ମଗାଯାଇଥିଲା । ବରକୁ ନେବାକୁ ଆସୁଥିବା ଗାଡ଼ିଟି ଗ୍ରାମର ରାସ୍ତାରେ ଆସୁଥିବା ବେଳେ ଡିଜେ ର ଶବ୍ଦରେ ଗାଡ଼ି ଚାଳକର ହର୍ଣ୍ଣ ଶୁଣାଯାଇ ନଥିଲା କି ଗାଡିର ବ୍ରେକ ଲାଗୁନଥିଲା କାରଣରୁ ହେଉ ଲୋକମାଙ୍କର ଉପରକୁ ମାଡି ଯାଇଥିଲା । ଖବର ପାଇ ଖପ୍ରାଖୋଲ ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରିଛି ।
