ମାଲକାନଗିରି, କୋରୁକୋଣ୍ଡା ବ୍ଳକ ସୋମନାଥପୁର ପଞ୍ଚାୟତର କଣ୍ଡେଲ ଶିବ ମନ୍ଦିର ପରିସରକୁ କଣ୍ଡେଲ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ, ଶିକ୍ଷକ ଓ ଗ୍ରାମବାସୀଙ୍କ ଦ୍ଵାରା ଆଜି ସଫେଇ କରାଯାଇଛି। ଶିବରାତ୍ରି ପାଳନ ଅବସରରେ ମନ୍ଦିରକୁ ହଜାରରୁ ଅଧିକ ସଂଖ୍ୟକ ଭକ୍ତଙ୍କ ଆଗମନ ହୋଇଥିଲା। ମନ୍ଦିର ଚାରିପଟେ ଗଢି ଉଠିଥିବା ଅସ୍ଥାୟୀ ଭଡା ଦୋକାନ ଓ ଜନଗହଳି ଦ୍ଵାରା ଅନେକ ଅଳିଆ, ପଲିଥିନ ଜରି, ପାଣିବୋତଲ ମନ୍ଦିର ଚାରିପାଖରେ ଜମା ହୋଇ ଏକ ପ୍ରକାର ଅସ୍ଵାସ୍ଥ୍ୟକର ପରିବେଶ ସୃଷ୍ଟି ହୋଇଥିଲା। ଚିତ୍ରକୋଣ୍ଡା ବ୍ଲକ ଶିକ୍ଷାଧିକାରୀ ସୁଶ୍ରୀ ଗାୟତ୍ରୀ ଦେବୀ ଓ ବିଦ୍ୟାଳୟର ପ୍ରଧାନ ଶିକ୍ଷକ ବସନ୍ତ କୁମାର ରଣାଙ୍କ ପ୍ରତ୍ୟକ୍ଷ ତତ୍ଵାବଧାନରେ ବିଦ୍ୟାଳୟର ଛାତ୍ରଛାତ୍ରୀ ଓ ଗ୍ରାମବାସୀ ମନ୍ଦିର ପରିସରକୁ ସଫା କରିଥିଲେ।
ପ୍ରଧାନ ଶିକ୍ଷକଙ୍କ ଏଭଳି ପରିବେଶ ସଚେତନତା କାର୍ଯ୍ୟକ୍ରମ ତଥା ବ୍ଲକ ଶିକ୍ଷାଧିକାରୀଙ୍କ ସହଯୋଗକୁ ଗ୍ରାମବାସୀଙ୍କ ତରଫରୁ ପ୍ରଶଂସା କରାଯାଇଥିଲା। ବିଦ୍ୟାଳୟର ସହକାରୀ ଶିକ୍ଷକ ପ୍ରଦୀପ କୁମାର ମୁଦୁଲି, ଧରଣୀଧର ରଥ ଓ ପବିତ୍ର ମାହାଳି ଉପସ୍ଥିତ ରହି ସଫେଇ କରିଥିଲେ।
