ଭୁବନେଶ୍ୱର, ଆସନ୍ତାକାଲି (ଗୁରୁବାର) ଅପରାହ୍ନ ୫ ଟା ୩୦ରେ ଭୁବନେଶ୍ୱର ସ୍ଥିତ ଓଡିଶା ରାଜ୍ୟ ଅଭିଲେଖାଗାର ଠାରେ ୬୬ତମ ସଂସ୍କୃତି ଚର୍ଚ୍ଚା ଅନୁଷ୍ଠିତ ହେବ । ଚଳିତ ଥର ସଂସ୍କୃତି ଚର୍ଚ୍ଚାର ବିଷୟବସ୍ତୁ ରହିଛି ‘ସମାଜ ସଂସ୍କୃତି ଓ ଜାତୀୟ ଚରିତ୍ର’ । ଏଥିରେ ବାଲେଶ୍ୱର ଫକୀର ମୋହନ ବିଶ୍ୱବିଦ୍ୟାଳୟର ପୂର୍ବତନ କୁଳପତି ପ୍ରଫେସର କୁମାରବର ଦାସ ବକ୍ତା ଭାବେ ଯୋଗ ଦେବାର କାର୍ଯ୍ୟକ୍ରମ ରହିଛି । ଅନ୍ୟମାନଙ୍କ ମଧ୍ୟରେ ଓଡିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ ରଂଜନ କୁମାର ଦାସ ଓ ବିଭାଗୀୟ ଅତିରିକ୍ତ ଶାସନ ସଚିବ ମଧୁସୂଦନ ଦାଶ ପ୍ରମୁଖ ଯୋଗ ଦେବେ । ଅଭିଲେଖାଗାରର ଅଧୀକ୍ଷକ ଡ. ଶେଖ୍ ସୋଲେମାନ ଅଲ୍ଲୀ ଏହି ସୂଚନା ଦେଇଛନ୍ତି ।
