ଭୁବନେଶ୍ୱର,ପୂଜା ସିଂ ଅଳିଆ ଗଦାରୁ ସୁନା ଚେନ୍ ପାଇ ଏହାର ପ୍ରକୃତ ମାଲିକଙ୍କୁ ଫେରାଇଥିବା ସ୍ୱଚ୍ଛ ସାଥୀ ପୂଜା ସିଂଙ୍କୁ ପ୍ରଶଂସା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀ ଟୁଇଟ୍ କରି କହିଛନ୍ତି ; ଭୁବନେଶ୍ୱର ମହାନଗର ନିଗମରେ ସ୍ୱଚ୍ଛ ସାଥୀ ଭାବେ କାର୍ଯ୍ୟ କରୁଥିବା ପୂଜା ସିଂ ଅଳିଆ ଗଦାରୁ ପାଇଥିବା ସୁନା ଚେନ୍ ଫେରାଇବା ପରି କାର୍ଯ୍ୟ ଅତ୍ୟନ୍ତ ପ୍ରଶଂସନୀୟ । ତାଙ୍କର ଏପରି ସହୃଦୟ ଓ ନିଃସ୍ୱାର୍ଥପର କାର୍ଯ୍ୟ ସମସ୍ତଙ୍କ ପାଇଁ ପ୍ରେରଣାର ଉତ୍ସ ।
ସୂଚନାଯୋଗ୍ୟ ଯେ ଅଳିଆ ଆବର୍ଜନା ସଫା କରୁଥିବା ସଫେଇ କର୍ମଚାରୀ ବା ସ୍ୱଚ୍ଛସାଥି ପୂଜା ସିଂହଙ୍କୁ ି ପାଖାପାଖି ସାଢେ ୬ ଭରିର ସୁନା ଚେନ ମିଳିଥିଲା । ଏହି ସୁନା ଚେନକୁ ନିଜ ପାଖରେ ନ ରଖି ତୁରନ୍ତ ଉପରିସ୍ଥ ଅଧିକାରୀଙ୍କୁ ସେ ଜଣାଇଥିଲେ । ଏହାପରେ ତଦନ୍ତରୁ ଜଣାପଡିଥିଲା ଯେ ସୁନା ଚେନର ମାଲିକ ହେଉଛନ୍ତି ଚନ୍ଦ୍ରଶେଖରପୁରର ବିଭୁତି ଭୂଷଣ ସେଠୀ । ଏହାପରେ ତାଙ୍କୁ ଯୋଗାଯୋଗ କରାଯାଇ ସୁନା ଚେନ ଫେରସ୍ତ କରାଯାଇଥିଲା । ଏହି ମହତ୍ କାର୍ଯ୍ୟ ପାଇଁ ବିଏମସି କମିଶନର ବିଜୟ ଅମୃତ କୁଲାଙ୍ଗେ ତାଙ୍କୁ ସମ୍ବର୍ଦ୍ଧିତ ମଧ୍ୟ କିରଥିଲେ ।
