ପୁରୀ, ଆଜି ଛତିଶା ନିଯୋଗ ବୈଠକ । ପୁରୀ ନିଳାଦ୍ରୀ ଭକ୍ତ ନିବାସରେ ଆଜି ଅପରାହ୍ନ ୫ଟାରେ ଏହି ବୈଠକ ଅନୁଷ୍ଠିତ ହେବ । ବୈଠକରେ ଶ୍ରୀଜୀଉଙ୍କ ଦୋଳପୂର୍ଣ୍ଣିମା ନୀତି ନିର୍ଘଂଟ ନେଇ ବିସ୍ତୃତ ଆଲୋଚନା କରାଯିବ । ମାର୍ଚ୍ଚ ୭ ତାରିଖରେ ଦୋଳପୂର୍ଣ୍ଣିମା ନୀତି ଅନୁଷ୍ଠିତ ହେବ । ଦୋଳପୂର୍ଣ୍ଣିମାରେ ମହାପ୍ରଭୁ ଦୋଳବେଦିକୁ ବିଜେ କରିବେ । ଦୋଳପୂର୍ଣ୍ଣମୀରେ ଶ୍ରୀମନ୍ଦିର ରତ୍ନ ସିଂହାସନ ଉପରେ ଚତୁର୍ଦ୍ଧାମୂର୍ତି ଭକ୍ତଙ୍କୁ ସୁନାବେଶରେ ଦର୍ଶନ ଦେବେ । ଏଥିପାଇଁ ନୀତିକାନ୍ତିକୁ କିପରି ଶୃଙ୍ଖଳିତ କରାଯାଇପାରିବ, ସେନେଇ ବୈଠକରେ ଆଲୋଚନା ହେବ । ଆଲୋଚନା ପରେ ନୀତି ନିର୍ଘଂଟ ଚୂଡ଼ାନ୍ତ କରାଯିବ । ଏହା ସହିତ ଯୁଦ୍ଧକାଳୀନ ଭିତିରେ କିପରି ଦୋଳବେଦି ଚର୍ତୁପାର୍ଶ୍ଵ କାମ ସରିବ ସେ ସମ୍ପର୍କରେ ମଧ୍ୟ ବୈଠକରେ ଆଲୋଚନା ହେବ ।
ବୈଠକରେ ଛତିଶା ନିଯୋଗ ମହାନାୟକ, ଜିଲ୍ଲାପାଳ, ଏସପି, ସେବାୟତ ପ୍ରତିନିଧି ଓ ପ୍ରଶାସନିକ ଅଧିକାରୀ ଉପସ୍ଥିତ ରହିବେ ।
