ଗଞ୍ଜାମ,ଗଞ୍ଜାମ ଜିଲ୍ଲା ଆସିକା ନିକଟସ୍ଥ ପୁଡୁଗେଶ୍ଵର ଶିବ ମନ୍ଦିରରେ ଗତକାଲି ବିଳମ୍ବିତ ରାତିରେ ଜାଗର ଦୀପ ଜାଳୁଥିବା ବେଳେ ଅସାବଧାନତାବଶତଃ ସୁନିତା ପାତ୍ର ନାମ୍ନୀ ଜଣେ ମହିଳାଙ୍କ ଲୁଗାରେ ନିଆଁ ଲାଗିଯିବା ଫଳରେ ସେ ପୋଡ଼ିହୋଇ ଗୁରୁତର ହୋଇଛନ୍ତି । ତାଙ୍କୁ ଚିକିତ୍ସା ନିମନ୍ତେ ଆସିକା ମେଡ଼ିକାଲରେ ଭର୍ତି କରାଯାଇଛି ।
ସେହିପରି ଗାଙ୍ଗପୁର ଥାନା ଅନ୍ତର୍ଗତ ବଡଦୋଡ଼ଙ୍ଗା ଶିବ ମନ୍ଦିରରେ ଗୀତା ପରିଡା ନାମ୍ନୀ ଜଣେ ମହିଳା ଦୀପ ଜାଳୁଥିବା ବେଳେ ଲୁଗାରେ ନିଆଁ ଲାଗିଯିବାରେ ପୋଡ଼ି ହୋଇ ଗୁରୁତର ହୋଇଛନ୍ତି । ତାଙ୍କୁ ଚିକିତ୍ସା ନିମନ୍ତେ ଭଞ୍ଜନଗର ଡାକ୍ତରଖାନାରେ ଭର୍ତି କରାଯାଇଛି ।
