ଖୋର୍ଦ୍ଧା,କୂଅରେ ପଡି ଜଣେ ବାଳକର ମୃତ୍ୟୁ ଘଟିଛି । ଏଭଳି ଏକ ଅଭାବନୀୟ ଘଟଣା ଘଟିଯାଇଛି ଖୋର୍ଦ୍ଧା ଜିଲା ଜଙ୍କିଆ ଥାନା ଅନ୍ତର୍ଗତ ରମ୍ଭାବିଲି ଗାଁରେ ।
ସୂଚନା ମୁତାବକ, ଜଙ୍କିଆ ଥାନା ରମ୍ଭାବିଲି ନୀଳକଣ୍ଠେଶ୍ଵର ମନ୍ଦିର ପ୍ରାଙ୍ଗଣରେ ଗତକାଲି ଜାଗର ଯାତ୍ରା ଅନୁଷ୍ଠିତ ହେଉଥିଲା । ତେବେ ସେହି ଗାଁର ଜଣେ ମହିଳା ନିଜର ୯ ବର୍ଷର ନାବାଳକ ପୁଅକୁ ଧରି ଜାଗର ଦୀପ ଜାଳୁଥିଲେ । ହେଲେ ତାଙ୍କ ପୁଅ କୌଣସି ମତେ ନିକଟରେ ଥିବା କୂଅ ମଧ୍ୟରେ ଗତକାଲି ବିଳମ୍ବିତ ରାତିରେ ପଡିଯାଇଥିଲା । ତେବେ ପୁଅକୁ ବହୁ ଖୋଜାଖୋଜି ପରେ କୂଅ ଭିତରେ ପଡିଥିବାର ଦେଖିବାକୁ ମିଳିଥିଲା । ପରେ ଜଙ୍କିଆ ଅଗ୍ନିଶମ ବିଭାଗ ଘଟଣାସ୍ଥଳରେ ପହଂଚି କୂଅ ଭିତରୁ ନାବାଳକକୁ ଉଦ୍ଧାର କରିଥିଲେ । ହେଲେ ଉଦ୍ଧାର ପରେ ନାବାଳକ ଜଣକର ମୃତ୍ୟୁ ଘଟିଥିଲା ।
