ସାକ୍ଷିଗୋପାଳ, ସାକ୍ଷିଗୋପାଳ କଲେଜ ଛକ ସ୍ଥିତ ବାବା କୋଶଳେଶ୍ଵରଙ୍କ ପୀଠରେ ଜାଗର ଯାତ୍ରା ଅନୁଷ୍ଠିତ ହେଉଛି । ସେବାୟତ ପୂଜକ ମାନେ ବାବାଙ୍କ ସମସ୍ତ ନୀତିକାନ୍ତି ଜାରୀ ରଖିଛନ୍ତି । ଆଜି ଏହି ପବିତ୍ର ତିଥିରେ ବାବା କୋଶଳେଶ୍ଵରଙ୍କ ଦର୍ଶନ, ପୂଜାର୍ଚ୍ଚନା ଓ ଜଳାଭିଶେକ ଲାଗି ମନ୍ଦିରରେ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଛି । ସଂନ୍ଧ୍ୟାରେ ଭକ୍ତ ମାନେ ମନ୍ଦିର ବେଢ଼ାରେ ବସି ଜାଗର ଜାଳିବା ନେଇ ମନ୍ଦିର ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି । ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ସତ୍ୟବାଦୀ ପୋଲିସ ଓ ବ୍ଲକ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି । ବିଶେଷ କରି ଆଖପାଖ ଅଂଚଳ ସାନକାଞ୍ଜିଆ, ବଡ଼ କାଞ୍ଜିଆ, ସାକ୍ଷିଗୋପାଳ ବଜାର, ଜୟପୁର, ମହାମାୟା ସାହି, ବିଶ୍ୱନାଥପୁର, ବାସୁକେରା, ରଙ୍ଗଣି ସାହି, ମଠ ସାହି, ବୀରଗୋବିନ୍ଦପୁର, ବିଶ୍ୱନାଥପୁର, ବାସୁଦେବପୁର ଆଦି ଅଂଚଳରୁ ଲୋକଙ୍କ ସମାଗମ ଏଠାରେ ଦେଖିବାକୁ ମିଳିଛି ।
