ପିପିଲି, ପୁରୀ ଜିଲ୍ଲା ପିପିଲି ଥାନା ଅନ୍ତର୍ଗତ ସାତଶଙ୍ଖ ଫାଣ୍ଡି ଅଂଚଳରେ ରହିଥିବା ବାବା ବୁଦ୍ଧେଶ୍ଵର ମହାଦେବଙ୍କ ନିକଟରେ ଆଜି ଜାଗର ଯାତ୍ରା ମହା ସମାରୋହରେ ଅନୁଷ୍ଠିତ ହେଉଛି । ବାବା ବୁଦ୍ଧେଶ୍ଵରଙ୍କ ଦର୍ଶନ, ପୂଜାର୍ଚ୍ଚନା ଓ ଜଳାଭିଶେକ ଲାଗି ମନ୍ଦିରରେ ଭକ୍ତଙ୍କ ଭିଡ଼ ଦେଖିବାକୁ ମିଳିଛି । ମନ୍ଦିର ପରିସରରେ ରହିଥିବା ଅନ୍ୟ ପାର୍ଶ୍ଵଦେବାଦେବୀଙ୍କ ନିକଟରେ ମଧ୍ୟ ଶ୍ରଦ୍ଧାଳୁ ମାନେ ପୂଜାର୍ଚ୍ଚନା କରିଥିବା ଦେଖିବାକୁ ମିଳିଛି। ସାତଶଙ୍ଖ, ଯଶୁଆପୁର, ସୁବଳ ପୁର, କଳାମାଟି ସାହି, ଶିରିଆପୁର, ଆଠବାଟିଆ, ପଦାସାହି, ବାଟିଗୋରଡ଼ା, ପୁରୋହିତପୁର, ଉତରାୟଣୀ ସାହି, ବୀରପୁରୁଷୋତମ ପୁର ଶାସନ ଆଦି ଗ୍ରାମରୁ ଏଠାକୁ ବହୁ ସଂଖ୍ୟାରେ ଶ୍ରଦ୍ଧାଳୁଙ୍କ ସମାଗମ ହୋଇଛି ।
ସଂନ୍ଧ୍ୟାରେ ମନ୍ଦିର ବେଢ଼ାରେ ଭକ୍ତ ମାନେ ଜାଗର ଜାଳିବେ । ଏନେଇ ମନ୍ଦିର ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି । ଭକ୍ତଙ୍କ ଶୃଙ୍ଖଳିତ ଦର୍ଶନ ଓ ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ସାତଶଙ୍ଖ ଫାଣ୍ଡି ଓ ପିପିଲି ଥାନା ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି ।
